同過唔少同事同房，發現有些人，一入到房，放低行李，即刻拎晒自己的護照、銀包，手飾等，通通放晒入去。（我當時仍在清潔房間中，點解要做埋清潔姐姐果份？詳情睇番我上一篇文！編按：）
當我用消毒紙巾抹乾淨馬桶、沖好一煲熱水再倒咗佢、和檢查完門鎖是否完好後，那同事已經放好嘢入去。
「你有冇嘢要放入夾萬？我鎖啦！」唔，我覺得墨爾本的酒店還好，加上逗留時間不算長，我就不放了！
最好笑的是有一次，同房的同事是整個手袋放入夾萬，佢話，驚清潔姐姐搞佢個袋喎！好吧，其實我也不太需要用到夾萬。
當我以為我的同事們已經將酒店夾萬的功用發揮最大時，我錯了！剛剛聽到一個同事 A 的分享，發現原來酒店夾萬，已經被強國大媽，發揮得淋漓盡致！
事發在瑞士，同事 A 晚上準備跟同事 B 出外吃飯時，在酒店大堂等緊時，聽到耳熟的普通話聲音，見到是一個強國大媽、拉住一個小朋友，應該是孫子，跟前枱職員用普通話「溝通」。
大媽：「##^&*#$*^#$#$*！」大家都知大媽對任何人都只說普通話！職員當然聽不懂她在說什麼啦！氣急敗壞之下，大媽見到同事 A！視線內唯一見到的應該識講普通話的人！
走都走唔切，同事 A 事後轉述我聽時，話大媽一手就抓住她的前臂，要她幫忙翻譯。
原來，她說，她房間的電器壞了！她要求職員隨她上房檢查！
同事 A 已經洗濕咗個頭，跟好陪大媽上房。
個職員入到房，大媽就指住個夾萬話，打不開呀！！職員又召來保安來為大媽打開夾萬。
「佢放咗個魚柳飽入去！！！」同事 A 同我講，原來大媽以為個夾萬係微波爐，放了魚柳飽入去叮，佢仲要後知後覺，拎上手先發現個飽唔熱，先知原來果個唔係微波爐……大媽初頭以為係孫仔惡作劇！
後來，我到酒店下塌時，望下個夾萬，又真係幾似微波爐喎！
這是我聽過最搞笑離譜用酒店夾萬的事，不知大家又有沒有什麼好笑的分享呢？
集油空姐：
歡迎科勞我面書：https://www.facebook.com/facrewcollection/
唔爭在科勞埋我哎豬：https://www.instagram.com/fabeauty_sharing/
