其實我個人係咁，未講bye-bye就已經掛住眼前的朋友，去旅行如是，尚未離開目的地，在機場時已想念當地，估唔到今次出差去日本，亦都同樣遇到同樣情況！雖然不少人對鳥取聞所未聞，但呢個地方實在太靚、太好玩、太多嘢好食，所以返咗香港 2 星期的我已有衝動再去！以下是 7 大必去原因喔！
01. 手掌大生蠔！
一般蠔在秋冬當造，但鳥取的野生岩蠔則在夏天最肥美，手掌大的生蠔只是1,000円/HK$74，開殼後仍作垂死掙扎，肉厚爽甜creamy！當地人對於我覺得好食到流涕的感動感到驚訝，因為他由細食到大，對這種鮮甜早已習以為常！好過分！
去到10月仲有松葉蟹同紅楚蟹，據聞後者的捕獲量更是全日本第一，想食記得去境港或賀露港海鮮市場！
03. 抵食鳥取和牛
記者落機第一餐，就是鳥取和牛，有幸一嘗當中最高質的「鳥取和牛油酸55」，其油脂當中的55%是不飽和脂肪酸，講得好似太 technical，總之就肥美兼入口即溶，但膽固醇比一般和牛低，輕輕燙幾下再放入口，牛香在喉嚨內久久不散，正！
04.牛骨拉麵
唔講唔知，鳥取和牛是日本和牛始祖，正正因為當地的和牛品質優良，所以當地人本著「渣都唔好剩」的心態，用牛的散件做拉麵湯底，創出當地獨有的牛骨拉麵！記者食過，湯底濃郁，但略嫌鹹咗少少，味道卻獨特少見，值得一試！
其實仲有好多原因我想再去鳥取：夠鄉郊、冇大陸人，而最最最重要係9月14日開直航喇！
港航9月14日起直飛日本鳥取縣米子，來回票價未連稅$1,650起，埋單唔使2千超抵，雖然一星期只得兩班，但計劃open jaw行程又多一個選擇。
香港至鳥取港航來回機票
價錢：$1,650起（未連稅）
網址：www.hongkongairlines.com
下一頁：玻璃海水靚過沖繩！日本鳥取 7 個必去理由（下）
（廣告時間： 如果想再睇多啲 靚相，記得留意8月15日出版嘅《新假期》啦！)