假日有時唔想去太遠行山,其實市區都有D輕鬆山可以行,今次唔偽行,真係係九龍開始行,行獅子山,真係係咁向上行,個頂都有差唔多500米高,當然無大東山咁辛苦,蝸牛式應該兩粒鐘都到,而且九龍行山可以慳番好多搭車時間。首先係黃大仙出站B1出口出。
一出去直行行到尾。
轉右上斜路。
過天橋。
過完天橋轉左再上樓梯。
會穿過一個公園之間又見到左天橋。
過天橋。
右轉再上斜。
去到燈位轉左行。
行到呢個位過馬路,遠處有條樓梯就黎到起點。
上到樓梯向右轉再行上去。
會見到獅子山公園,但唔入去U TURN繼續行。
見到指示牌,係呀,而家先係開始行山呀。
我都知想齊昕老豆落台,但唔好整花個亭,佢唔會行山GA,所以唔會睇到你估佢係麥理浩咩!
中間有個小平台可以行出去睇下景,其實沿路都唔係太難行。
再上到一個大亭,就會見到獅子山剩番500米。
行多十步有個春風亭。
再行五步就見到個牌,呢廿步由0.5公里變左0.4公里,所以真係好快到。
上多十五分鐘度,就到啦,見到呢個牌其實未到,要再上多五分鐘。
終於用左粒半鐘去到獅子山頂。
今日多雲,所以睇唔到日落(但亦都因為咁先行得咁快)
望到成個東九龍景色,我諗夜晚應該會幾靚。
沿途都要小心安全,睇到真係趺落去唔會救得番,唔值得一死以謝天華。
頂頂位係完全無欄杆,怕就唔好行咁出啦。
行獅子山總算係歡笑多於唏噓,坐左一陣已經天黑,但有好多人拎住相機放低腳架起度,我得部手機就無謂等,況且下低都開晒燈,唯有沿路走最快,落番山都係用左40分鐘。另一邊其實行番個亭有分差可以落番大圍,不過要行多少少路。
如有任何疑問可電郵:[email protected]或ＰＭ我
