我之前未住過任何永利嘅酒店，今次入住永利皇宮，感覺十分之好。酒店行奢華路線，但房價比澳門麗思卡爾頓酒店、悦榕莊酒店親民，就等我哋分享下今次體驗啦~~~
※ 此文為酒店採訪， Carol & Vin 實際入住後分享 ※
入住率 99% Check-in 速度快！
先講 check-in 過程先，聽酒店公關講，酒店在開幕第一星期的入住率差不多是 99% (即是全酒店爆滿)，但 check-in 時沒有太長的人龍出現，而且 check-in 手續亦好快。如果大家記得上年新濠影匯開幕的頭幾個月時
check-in 過程真的極度慢，永利比較之下就好好多，而且用 iPad 幫客人 check-in，夠晒 high-tech 。
基本及進階房型全面睇！
01 | 進階房型 Fountain Suite Room
今次酒店安排我們入住 Fountain Suite Room，這是第二級的房型，我會先為大家介紹今次入住的 Fountain Suite Room，然後再為大家分享最基本房型 (Palace Room)。
整間酒店用不同的金黃色做裝修，分別有「日出黃」和「日落黃色」，走廊金黃得嚟都幾有貴氣，而且好舒服。
房間六大驚喜位
01 | 房內設備用電子控制
房內的燈、冷氣、電視、窗簾等全用電子控制，筆者親身用過，這部平板的操控非常容易，按鍵非常大，老人家都啱用。而且有多種語言，中文、英文、日文、韓文都有，最緊要係反應快，所以好好用。另一個要讚嘅地方，就是光暗度可以自行調校，唔係只係開同關兩種。（我諗住開酒店嘅朋友應該同我一樣明白這個設計係有幾重要……）
02 | 電視夠大又多台
房裡有兩部 65 吋大電視，就算床和電視有點距離，坐在床上看電視一啲都唔覺遠，仲要有 ViuTV 頻道，真係好切合香港人口味。另外亦有 HBO、Cinemax 、Fox 體育。
用文字好難表達這個景觀有幾咁壯麗，而且相片因為有少少反光拍得不太好 (希望大家不要介意)，但第一眼望到這麼大的湖，確實都有點震撼的感覺。
04 | 廁所、浴室分隔 馬桶有驚喜
浴室都好好，廁所和浴室獨立分開，廁所雖然不是日本式的免治馬桶，但廁所板會有熱力調節，澳門酒店好少有這種馬桶的，包你「便便」時都不會凍親pat pat，你話永利幾貼心呢！
05 | 英國貴價品牌浴室用品 英女王都指定用佢！
浴室用品選用 Molton Brown，Molton Brown 牌子你都唔識？Molton Brown 是英國高級奢侈品牌，連英女王都指定要用 Molton Brown。除了永利之外，其他高級酒店例如半島酒店都是用 Molton Brown 的。
兩間客房內的設施是一樣的，所以我不多作介紹喇~~~
睇完房，就同大家介紹一下酒店泳池。
06 | 酒店泳池驚喜位 提供免費飲品和防曬用品！
永利皇宮有室外露天泳池，首先住客會有免費飲品提供。另外，泳池更衣室還會提供防曬用品，這太貼心吧~~~
睇完房間和泳池，正唔正先？酒店最大賣點 「纜車」和「表演湖」都有好大驚喜嘅，我就留在下一篇才跟大家報道，密切留意喇！
訂房可以去以下網址：開業房價最平 HK$1,551 ，不過就未包纜車，大家可以去 Ctrip 或 其他網站查酒店價錢。
Ctrip ／ Expedia
