本週好去處 | 中環PMQ美食車嘉年華介紹+3大必試推介

中環PMQ有好野食！由 2016 年 5 月 4 至 5 月 8 日，一連 5 天中環PMQ舉辧美食車嘉年華 (Hong Kong Food Truck Festival)。

今日放工走去行咗一轉，氣氛好好，終於唔洗好似平時咁去餐廳食飯咁悶，每架美食車都有佢哋屬於自己的特色食物，而且有明星坐陣又有酒飲。

食嘢係要先換Coins！

【明星加持美食車】

相信有看雜誌都應該知道有邊幾位明星藝人啦！稍為簡單介紹一下，包括Master Joe 嘅 Superstar 韓式小食、欣宜的 Homie Cookies、黃長興嘅龍蝦三文治同李璨琛的Boomshack 漢堡，各有特色~~

【場內美食推介】

1)七彩粟米餅

繞場一周除咗呢 4 架美食車主打之外，入面仲有一 D 細嘅攤檔，賣唔同嘅嘢食，水準都唔錯，其中有一檔係粟米餅夾住唔同嘅嘢，個樣又彩色又靚，忍唔住都買嚟試咗！

2)免費大大杯飲品

另外 Asia Miles 如果做會員有飲品送，大大杯又幾好飲！

3)Superstar冰菠蘿要買趁早

至於美食車，我個人幾鐘意Superstar，食韓式嘢，佈置好有心思，雖然係小食，但味道不錯，鐘意食佢個年糕同雞肉仲有冰菠蘿！！好彩冰菠蘿早買，晏少少去已經賣晒，食食下仲見到王宗堯！！男神都嚟食呀 (心心眼)！Master Joe亦親自招呼大家，佢個人好nice！如果大家去開可以留意下，第一架車就係。

諗唔到母親節有咩做，可以帶埋媽咪嚟呢到行下，感受下呢到嘅氣氛啦！

香港美食車嘉年華 Hong Kong Food Truck Festivals
地址：中環鴨巴甸街元創方
日期及時間：5 月 4 日 6pm-10pm、5 月 5-7 日 11am-10pm、5 月 8 日11am-9pm
門票：全免（場內所有飲品及食品，均以代幣換購，$10 為一個代幣）