步入夏天，日本各地隨即舉行大大小小既夏祭。位於大阪市既櫻之宮附近，喺每年既7月25日將舉行船渡御、奉納花火，即係喺河上放煙花同遊花船，甚具獨特既節日特色。
祭典既中午時份，沿岸設有各式各樣既屋台，絡繹不絕既浴衣美人，同埋打哂地鋪喺度邊等睇煙花邊野餐既一家大細。
喺中午時分隨便咁行左兩個圈之後就霸位等睇煙花，由烈日當空一直等到夜晚，人潮一直有增無減，真係遲少少都冇位睇煙花呢!
黃昏時段，船隊們接二連三咁出動，感覺好似睇緊慢板龍舟咁。
入夜後，係好戲既開始，對岸既並木道中間開始斷斷續續咁燒起煙花，而天神祭既煙花最大既特色就係放得十分矮，所以就算一河之隔咁近既距離都可以睇得好清楚，仲可以感受煙花喺你面前近距離爆發!非常逼真!!但唯一既代價就係睇一次煙花要吸唔少硝煙同爆發後既微粒，要小心微粒入眼。
放煙花歷時大約兩小時，其實煙花既數量唔算多，只係相隔頗長既時間先放一次煙花，所以睇落都唔係幾暢快….
不過唔緊要，夏季仲有好多唔同特色既煙花祭典，有機會再同大家介紹!
祭典場所: 毛馬桜之宮公園 (大阪JR桜之宮駅徒步約10分鐘)
地址: 大阪市都島区中野町１丁目付近
日程：2016年7月25日
煙花發放時間：19：30～21：00
預定發放數: 約5000發
My Facebook Page : 日本住人港喱啲
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。