（Presented by Changi Airport）
帶大家玩之前，等我話你知新加坡樟宜機場有幾巴閉先。佢係全球6大繁忙機場之一，每星期大約有7,000班航班，仲攞過500個以上嘅獎項，包括2013年至2017年都攞咗Skytrax「全球最佳機場」獎！機場入面仲有成360間店舖同140間餐廳，仲有好多唔同嘅設施，真係玩足一日都冇問題。
1/ 參加免費新加坡之旅 出市區睇魚尾獅、濱海灣花園
如果轉機時間多過5個半鐘，大家可以去申請免費導覽遊，呢個亦係我最欣賞嘅服務。分為文化之旅同城市觀光之旅，前者會帶你感受新加坡嘅多元文化，後者會讓你體驗新加坡現代、充滿活力的一面。兩個導覽遊去嘅地方會有少少唔同，大家可以因應自己喜好去揀。不論你揀邊個旅行，行程都係大約2個半鐘。我啱啱去就參加咗城市觀光之旅，去咗睇魚尾獅、濱海灣花園、摩天觀景輪等景點。呢個day tour真係非常唔錯，如果大家轉機時間多嘅話，記得要去T2或者T3登記參加呀～
2/ 玩轉 樟宜機場 玩樂設施 六大主題花園＋24小時戲院
想留喺機場玩一樣冇問題！呢度有唔少嘢玩，好似泳池同24小時戲院等，最特別係呢個機場仲有主題花園，分為六個唔同主題，包括向日葵花園、蝴蝶園、仙人掌花園、蘭花園、夢幻花園同steel in bloom。呢度仲係全世界第一個機場有蝴蝶園，有大約30幾種、約千隻蝴蝶，一入到去就好似去咗熱帶雨林一樣。而向日葵花園位於T2天台，入面有500幾朵向日葵，夜晚仲有光影主題花園晚會，日、夜去都有唔同感覺，玩足一日都得！
3/ 樟宜機場親子區 Xbox、PlayStation
如果小朋友唔夠7歲都唔驚，機場入面都仲有多個室內遊樂場，仲有得玩Xbox、PlayStation，一定滿足到小朋友啦～
4/ 休息設施完善 按摩椅+免費上網
玩到攰，機場有大量座椅同按摩椅，仲有休息區，可以唞番夠本先上機。呢度仲有得免費上網，又有叉電位，唔使驚電話玩到冇電。
不過每個設施都有唔同嘅開放時間，大家記得要上網睇清楚呀：www.changiairport.com
廉航心水推介 睇盡3大優點
如果你都想好似我咁喺新加坡轉機，不如下次搭Jetstar啦！本身我都鍾意搭廉航，價錢平啲又夠彈性，我今次去澳洲都係搭佢由香港飛新加坡再轉機。雖然要轉機，但兩個航班都好準時，你知去旅行delay就會打亂晒行程，呢個係我最鍾意Jetstar嘅地方，就連皇室成員都搭佢就知幾巴閉啦！
佢仲有最低價保證，係唯一一間航空公司有呢個保證，咁就一定買到最平嘅機票啦！ 佢仲有一個「票價提醒」服務，你搵機票時登記埋，只要到你嘅心水價位就會收到通知，咁就唔使日夜都捕住個價啦！最後就係Jetstar嘅航點多達88個目的地，就連比較偏門嘅達爾文同Ululu都有！話晒Jetstar係日本國內和澳洲最大廉航，喺新加坡都係好大嘅廉航。提埋你，記得登記做埋免費Jetmail用戶，咁就可以收到第一手最新優惠同資訊。
立即買平機票：http://www.jetstar.com/hk/zh/deals
登記免費會員Jetmail：https://booknow.jetstar.com/register.aspx?culture=zh-HK
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。
