text： 有故事的旅人 | photo： 新傳媒集團資料庫
01 | 永遠不成行的約會
大家有嘗過以下的對話嗎？
例子1：
「喂好耐冇見喇！呢排點呀？」
「都係咁啦，好忙呀。」
「咁耐冇見不如出嚟食個飯？」
「好呀！」
「你幾時得閒？不如下星期二？或者星期四都得。」
（兩個藍剔永遠已讀不回。）
例子2：
在某個WhatsApp group內，你興致勃勃地問：
「明仔同豬女就生日，不如搞個飯局吖！」
「好呀！」「正呀！」「係呀，好耐冇見喇！」
「我今個星期唔得呀！」「不如下下星期？」「我幾時都得。」
然後突然有一精警的人說：「我呢排好忙呀，未知幾時得閒，不如大家講低未來半年邊日得閒？」
。。。明仔同豬女下個月生日喎！
然後，這位dead-air maker令大家又成兩個藍剔永遠已讀不回。
例子3：
「呢排咁好天不如去下沙灘吖！」
「好呀！」「正呀！」「係呀，好耐冇見喇！」
「擇日不如撞日，今個星期日？」
「其實都幾熱！」「會唔會落雨呀？」「阿邊個去唔去？佢去我先去呀！」「室外戲水呢啲咁青春嘅活動好似唔係幾適合我。」
。。。
例如4：
「喂好耐冇見喇！呢排點呀？」
「都係咁啦，好忙呀。」
「咁耐冇見，不如出嚟食個飯？」
「食咩飯吖！我忙到廁所都冇時間去呀！你估個個學你咁得閒呀！」
（這次到我變成兩個藍剔永遠已讀不回。）
02 | 當朋友淪為牟利工具
許多人會覺得，這些待你如陌路人的朋友，維繫感情來幹嘛？只是，若不去苦心經營的話，這些昔日珍重的友情，便會一個接一個慢慢消失，直至有天我們要翻開舊日合照，才想起大家曾經的舊情。可是，許多時候又會無可奈何，甚至連你自己都累了，選擇放手。
因應兩個專頁blogger的身分，偶爾我會有一些free trip、free trial、優先場或首映戲票等活動，很多時候可以多帶一個朋友出席。曾經，我誤以為這些活動很容易約人，卻發現原來大家也諸多挑剔。「咁夜嘅？」「嘩！去咁遠！」「咩餐廳嚟呀！聽都未聽過！」「咩戲嚟呀？我都唔睇戲嘅！」「幾大個人呀？仲去玩迪迪尼？」甚至，有人更會覺得與其免費，倒不如先行答應，繼而臨時「甩底」。「你都係唔好預我住喇！」「如果你搵到第二個就同第二個去啦！」他們或不知道，臨時一兩小時前才「甩底」，最終結果我都不會找到任何人。漸漸，我索性不太想去約人，免得煩了自己。
未幾，當大家習慣了你的「免費」時，又會問：「哈囉喂有冇飛？」「我想睇乜乜乜戲呀！你有冇飛？」「某某酒店有新buffet呀！你識唔識人？」早前我想去澳門看場歌舞劇，問了許多身邊的朋友，大家都問：「唔使錢呀？我去呀！」我也想我認識盡全世界所有公關能給我免費欣賞各類型表演、參與一切活動，結果大家知道要自付銀兩時，幾乎全部均會拒絕。「要錢呀？冇興趣！我呢排好忙，sor。。。」
我sor你老＿咩，係咪唔使錢你就唔忙？
原來，我在大家心目中已成了一個「免費」的icon，坦言，得到這些反應，其實有點傷心的。
03 | 任何關係都需要雙方付出維繫
我不是一個喜歡求人的人，也不想一段友情的維繫要建基於「求人」身上，每個月問你一次「幾時得閒出嚟食飯」，然後又被無限個「好忙」、「好忙」、「真係好忙」作藉口，真真正正是「你唔煩我都煩」。對呀！面對著這些擺明已走到末路的「友情」，其實已經沒有維繫的必要，再不捨得也只好let it be。
一段關係是需要雙方的維繫，無論是友情或愛情也好，單方面不斷無限付出，其實真的會很累。可能，人大了，圈子許多時候只局限於一些笑裡藏刀的同事關係，又或是建基於某些工作夥伴、某個event project中。工作完了，大家各散東西，似乎誰也沒覺得有聯繫的必要。
要得到一段真正的友情，確實非常之難。我常覺得一個人再「忙」，怎得也要吃飯，哪管再「忙」也好，真正的朋友絕不介意到「麥記」或兩間「大記」吃頓快餐聊兩句也無礙。偏偏，有許多人聲稱會「忙」得連吃飯都沒有時間，你卻又會看到對方的生活多姿多采，一點也不「忙」，到最後，只是看大家的地位有多重吧？
約人吃頓飯已難比登天，要約人去遠遊幾乎已是沒可能的事。有些地方想去很久，始發現大家「忙」得約了幾年還沒有成事。我非叫你一起去冰島唱〈羅生門〉，只是叫你去南丫島逛逛，但其實又有誰會有空。
04 |「忙」不是藉口 珍惜眼前人
早前，終於成功約到了朋友，難得地毋須半年或一年前「預約」，差不多是「即興」地到了塔門一趟，那天的成功甚至令我有點難以想像，慶幸，身邊還有這些願意應約的朋友。
當然，更好的是那些能多年來一直保持聯繫，甚至住在附近的朋友。
「喂，搞緊咩呀？」
「冇呀！」
「落嚟茶記食個飯吖！」
「好呀！五分鐘後你樓下等？」
我明白大家出來社會工作後，確是各有各忙，但百忙中仍能即興找到時間應約的朋友，毋須「預約」半年的人，我知道將會隨著年紀增長而愈來愈少。請珍惜，那些還會應約，甚至還會主動約你的朋友。哪管只剩下最後一個，也請別輕易放棄這些真正的友情。
有故事的旅人簡介：大學曾在世上最快樂的地方實習一個暑假後，從此愛上旅遊，浪蕩澳洲一年，其後當過旅遊記者，遊歷了超過25個國家、近250個城市，到過五大洲後，願有天能涉足南美洲與南極洲。
有故事的旅人 facebook：https://www.facebook.com/360.days.in.australia/
有故事的旅人 Instagram： travelerwithmovie
有故事的旅人 官方網頁：http://travelerwithmovie.com
合作聯絡：[email protected]
延伸閱讀：聖誕好去處？人大咗，聖誕節愈來愈唔想出街 | 藍橘子
