好多國家都會慶祝聖誕節，不過各國習俗都唔一樣。網上會搵到一啲奇怪習俗，好似烏克蘭人會在聖誕樹上放蜘蛛網、挪威人會在平安夜藏起掃把、德國人帶多隻杯去聖誕市集……五花八門的聖誕習俗幾多真幾多假？依家一次過講晒3大德國聖誕慶祝方式及文化冷知識畀你知，仲會話你知點樣喺香港體驗德國聖誕！
01｜聖誕市集買熱紅酒要自備杯？
成日聽人講，去德國聖誕市集要自備杯先買到熱紅酒飲，但其實冇呢回事~只不過德國嘅市集大多數都會提供唔同設計嘅玻璃/瓷杯仔去裝熱紅酒，你買完之後，可以隨便攞住隻杯一路飲一路行市集，只要飲完還番畀商店就可以退回按金。當然，你亦都可以攞走呢啲杯仔當紀念品，夠晒環保。
02｜聖誕金字塔同中國塔撞樣？
聖誕金字塔係德國嘅傳統節日裝飾，有人認為它是聖誕樹的前身。事實上，聖誕金字塔並不是想像中埃及金字塔一樣，外形反而像中國八角塔。主要是木造的，由多層平台組合而成，每個平台都有精緻的設計及小公仔，重現森林和日常生活中的場景，或者係經典《聖誕》故事，所以有人會叫佢做聖誕故事塔。塔上有個螺旋風車，只要點起底座嘅蠟燭，透過熱力上升，就會令風車旋轉。幾乎每個德國市集都會見到呢個裝飾嘅蹤影㗎！
03｜聖誕節前1個月就開始放假？
有傳德國人會用一整個月慶祝聖誕，所以冇人做嘢，但其實佢哋主要都只會喺平安夜至Boxing Day（即24-26/12）慶祝聖誕，不會慶祝一整個月。不過，佢哋就有個有趣聖誕習俗，係喺聖誕節前4星期起，德國人會開始喺聖誕花環（Advent Wreath）點蠟燭。通常花環上會有4支蠟燭，佢哋每個星期日都會點一支，直至平安夜當天，來迎接聖誕節。
將德國聖誕村搬入九龍灣！
聖誕節想飛去德國行市集，感受濃厚嘅聖誕氣氛？依家唔使飛去德國喇！今個聖誕去九龍灣德福廣場就得啦！商場內設有夢幻的德國主題聖誕市集，有精品買，又有德國美食，現場仲會有個逾5米高嘅巨型德國聖誕金字塔裝置，一於去買嘢、食嘢，再影埋相打卡啦！
德國美食第2彈！
心水清嘅朋友可能知道，德國市集上個月已經開咗甚至去過～已經試過晒在場美食攤檔仲想試多啲？注意！今個月再去又有新德國美食，包括德國式肉丸配黑菌薯蓉、煙肉青口忌廉汁麵包碗、脆皮燒豬手配酸菜等等。第2彈仲有好多罕見的靚酒買～最吸睛係世界上第一個鮑魚手工啤酒品牌，由澳洲野生鮑魚，配上純淨的水源同優質小麥釀製，帶甘香酒味濃郁～聽到都好吸引，無論你有冇去過，都快啲再去掃食啦！
4米高泰迪熊國王駕臨
德福廣場仲會有隻4米高超巨型毛毛泰迪熊，佢會化身成國王，戴上滿布亮眼珠寶的皇冠，大家一定要同佢影靚相！商場在指定時間更會有飄雪，非常浪漫～商場內唔止有一隻大啤啤，仲有過百隻熊啤啤陪你過聖誕！鍾意熊啤啤的你，就一定唔可以錯過喺商場2期嘅「Steiff泰迪熊展覽」，可以一次過睇晒逾40件由Steiff德國博物館借出嘅珍藏品，包括伊利沙伯二世90周年泰迪熊、乾隆皇帝泰迪熊、聖誕系列泰迪熊等等！
德福廣場「泰迪熊聖誕」
日期：即日起至2019年1月1日(星期二)
時間：11:00am-9:00pm
地點：港鐵九龍灣站德福廣場1期及2期
