01) 被動更改航班
搭廉航最常出現嘅風險，就係航班更改而造成不便。如果在出發前一段時間知道更改航班，都仲有機會另外購買機票。但亦有機會當你去到機場時，航班先宣布取消，到時旅程不但好有機會告吹，早早預定好嘅酒店費用都有機會附諸流水！
要保障自己，首先要留意廉航嘅條款。由航空公司作出臨時航班更改，航空公司會唔會負責任，或者保證你有航班飛往當地，或提供其他賠償。
舉例：香港快運在航班延誤時，會提供 3 個解決方法：
- 如有機位可以提供時，可安排稍後日期的 相同航線 以運載你至最終目的地（可獲豁免行政費用，但會徵收有關的票價差額）；
- 如有機位可以提供時，為安排稍後日期的 另一目的地 或 另一航線 的航班機位（可獲豁免行政費用，但會徵收有關的票價差額)；或
- 全額退票
為了避免損失，大家可以選擇在網上訂酒店時，選擇「免費取消預約」。另外可以購買旅遊保險，保障自己。當遇上航班延誤，應第一時間通知保險公司，並保留因航班取消下而花費嘅收據、航空公司延遲證明等，事後帶著所有單據和資料向保險公司索償。當然，購買時也要留意受保條款。
溫馨提示：計劃去外地旅遊，記得要為自己購買一份旅遊保險！即上我們的比較平台選擇及購買，有 Allied World、FWD 同 MSIG 等不同計劃俾你揀，經我哋買仲有優惠添！
02) 主動更改航班
唔同嘅廉航都有唔同嘅更改航班章程，需要留意航空公司能否更改時間、航點、取消訂票及機票轉讓。絕大部分嘅廉航都不能更改航點、取消訂票或轉讓機票，不過都有例外。例如 濟州航空 同 虎航 ，可以轉讓機票，但需要額外收費。而更改航班時間，價錢由 $280 到 $430 不等，更改後票價如較便宜都不獲退款，如更貴就要補回差價。
如果不幸要取消行程、更改航班，都有機會獲得部分嘅賠償。首先當你無乘搭航班，你可以申請退回離境稅。如你有合理原因要更改行程，例如嚴重受傷而有醫生紙，部分航空公司係會容許你延期；例如香港快運，就會俾你延長機票有效期 2 個月。
當然，購買咗旅遊保險，部分會有取消或縮短行程嘅保障分。一般來說，因飛機或其他公共交通工具受惡劣天氣、工業行動、騎劫、機件故障要取消或延誤，須改動行程導致嘅額外交通費，都會係保障範圍內。不過大家要留意，保障項目嘅賠償上限是否夠你購買新嘅機票？例如 Allied World 世聯保險嘅取消及縮短行程最高賠償額就分別為 $20,000 。大家可以按個人需要，尋找合適嘅旅遊保險。記得，為咗保障你嘅權益，當你購買機票時，就應該即時購買旅遊保險，咁廉航更改航班時，你就有更大機會得到賠償。
03) 廉航附加費
廉航票價便宜，其中一個原因係將服務分開收費，當中特別要關注嘅收費有行李收費及座位選擇收費。喺行李收費上，亞洲航空、宿霧太平洋航空、香港快運航空、濟州航空、捷星亞洲航空、樂桃航空、酷航、春秋航空、泰國亞洲航空及虎航等 10 間廉航，都免費提供 5 至 10 公斤手提行李配額。寄艙方面，目前但就只有濟州航空及春秋航空，分別提供 15 公斤及 10 公斤免費托運，其餘會按托運行李重量徵費，由 15 公斤起收費 $88 至 40 公斤收費 $450 不等。
要選擇較寬闊或舒適座位，廉航收費由幾十元至超過 $200 不等。其他借用毛毯及枕等，都有機會需要收費。另外，廉航網站預訂附加服務嘅收費，通常較於電話或機場櫃枱選購便宜一半甚或更多，大家最好早啲係網上預訂喇！
04) 海外支援
有部分廉航對於因系統故障而售出資料不符嘅機票並不會負責。此外，許多廉航除了經常被投訴熱線電話長時間無人接聽，更未必在本地設有辦事處或提供廣東話支援熱線，透過電郵查詢則有可能數天後才得到回覆。如果你是透過一站式旅遊網站訂購，就更難得到支援。所以廉航玩家最好都係先購買一份較全面嘅旅遊保險，遇上問題直接聯絡保險公司，因為保險公司一般都有較全面嘅全球支援，更方便你規劃應變方案。
