上次講到我哋甩碌出發悉尼篇。今次繼續講埋我呀媽又做咗啲咩驚人嘅行為，簡直係嚇死寶寶了。
獸性大發 死都要入
中間嘅嘢不是重點我不詳說，下就出發去Fish Market嘅時候，途徑賭場，呀媽突然獸性大發，話要入去兜個圈！後來，屈服咗喺佢嘅淫威之下，食完正正新鮮生蠔，帶咗佢去賭場。我坐咗幾粒鐘，佢就忘我地企咗幾個鐘。天真的我，當時以為，佢呢幾個鐘已經盡興咗啦。
食過番尋味 自己截的士
點知果晚食完飯佢同我講想再去，我當然立即say no。
1. 下午已經陪佢去過
2. 唔想佢去賭錢
3. 夜晚怕賭場好雜
但係我呢個任性媽，持住自己識讀CASINO呢隻英文字，自己截咗架的士，話去幾粒鐘就會番，識得自己番酒店。
－０－ ＜＜我當時嘅表情
音訊全無的媽媽
無錯！我俾呀媽拋低咗係條街度！諗諗下，佢咁大個人，有現金有卡有地址有電話，有咩事都可以求救到，我就自己行番酒店啦
之後我一路瞓得唔好，瞓到四點幾，發現呀媽仲未番！（分手時先１１點幾）
我嚇到落大堂搵WIFI聯絡呀媽…
當然係冇ONLINE！
果刻好擔心，諗緊千百個方案，應該等多陣，仲唔見人先去搵佢？定係即刻出發？
然後我又向身在香港嘅男朋友求救，佢除咗安慰我，仲俾咗好理性嘅分析俾我！（大感激～～）
就喺我換好衫，準備出發，就見到呀媽－０－
我唔記得我第一句出口嘅係咩
淨係記得佢個樣有少少歉疚
算啦，見佢冇穿冇難。
經一事 長一智 帶父母旅行 當湊囡
經此一役，我覺得帶父母去旅行
一定要當佢哋係BB咁湊，真係睇少一秒都唔得
要陪佢哋做佢哋中意做嘅嘢 （我下次死都會陪佢入賭場ＨＡＨＡ）
ANYWAY，同父母旅行都係想帶佢哋開眼界、散心，當佢哋BB湊、順佢哋意，又有咩所謂？
PS 最近全世界都發生了好多不如意的事情，令我更加覺得人生無常，在能力範圍內要好好愛珍身邊鍚你嘅人 :)
PPS 我媽媽不是賭徒，不過佢果刻大概是食過番尋味LOL
集油空姐：
