好毒，我認；Old news is so excited、開左好撚耐啦，我知?雖然呢幾年我無論自己定做嘢都飛過好多次日本，但次次都的唔起心肝去 USJ，直至前排好友送咗 USJ 個手信袋比我之後，我就被燒著了?。
官網限定 Fast Pass 攻略
( 編按：3月18日起入場的快證將全面更新，以下介紹的 Express 3、 Express 5 及 Express 7 將只適用於 3月17日或之前入場。)
網上都好多買門票教學，所以唔喺度詳述喇屌。想 stress 嘅係，上官網買先有得買 fast pass，而 fast pass 有三種（Express 3 / 5 / 7 ）分別包 3 / 5 / 7 個遊戲，只有 5 同 7 係包哈利波特園區嘅皇牌遊戲，而 5 同 7 嘅價錢亦只係差好少，所以 Express 7 係最快賣曬嘅票種。
雖然臨急抱佛腳，不過好在去嗰日係閒日，都買到 Express 7。有日本人整左個 page 專係預測入園人數，仲會 update 真實情況、預測差距，好撚癲? 我去嗰日既預測係「清」，姐係少人，而當日去都無需要用整理卷先入到哈利波特園區（你無睇錯，多人起上黎連入園區都要爭，莫講話排個遊戲）所以我覺得都好準確！
至於有無需要買 fast pass，我自已係強烈建議嘅。當日雖然已經少人，但皇牌 forbidden Journey 都要排兩個鐘到，而我哋用 fast pass 每個遊戲都只係需要用 5 到 10 分鐘內就玩到，去旅行，邊有人想浪費時間同腳骨力？如果負擔到，fast pass 真係抵屌架。另外，生日月去既話，本人同同行四人會各平 500 円！（師奶心態）
大阪USJ 官網買門票：大人 ¥7,200 / 12歲以下細路 ¥4,980
生日之星門票優惠：同行朋友各平 ¥500（網上限定，入場記得帶 passport 啊！）
大阪USJ 官網買快證 Express 7 ： ¥6,600
編按：USJ近日宣佈，將於2016年2月1日起調升門票價格，新價格如下：
成人門票：由¥7,200升至¥7,400
65歲或以上的長者票：由¥6,470升至¥6,650
傷殘人士門票：由¥3,600升至¥3,700
12歲以下小童門票、年票等價格，則維持不變。
下一頁：複製《哈利波特》超 Detail 場景
複製《哈利波特》超 Detail 場景
暴露年紀都要講，我小學開學睇哈利波特，眯到大學畢業先睇到電影拍完。仲記得嗰時匿埋喺小學圖書館刨書，仲因為借唔到本書而去咗做圖書管理員！?所以入到去真係超、開、心！個 forbidden journey 真係好精彩，而日本人做嘢一向好注重細節，園區內一枱一櫈都好認真，連斜角巷內商舖嘅 set 都一絲不苟，最驚喜係喺三根掃帚食食下野無聊向上望，見到多比嘅剪影動畫☺☺☺男友同我本身對 theme park 無乜好感，但都覺得值回票價，起碼唔會喺奇幻世界餐廳內播容祖兒先?又無話唔比帶野飲野食，人情味得分～！
除左哈利波特之外，Jurassic park 個餐廳都好正，唔食都要入去感受吓（又係童年回憶，仲好記得嗰兩姊弟喺入面避速龍，細個發幾多惡夢），而 San fran 區真係同 San fran 一撚樣?大鄉里表示蘇呀尾成！
詳情自己睇相啦～
下一頁：用盡Express 7，玩埋其他園區推介
其他園區推介
Express 7 包 4 個膽，其他要 3 選 1 / 2 選 1，個人覺得 back to the future、Spider-Man 好正，space fantasy 有驚喜～至傷心我明明想睇 Elmo 4D movie，入咗場先知係史力加。我屌，最撚憎費安娜公主架喇?
【注意事項】
- 網上買飛記得 print out / download，入場同用 fast pass 都要 show QR code 架。
- 而唔需要快證又唔想睇日文搞一大輪既話，可以喺旅行社、網上 agent 或者關西機場買啦?
- 要我推薦既話我會推 KKday，因為唔洗出門，又唔會話去到先發現賣曬。KKday 係 base from 台灣嘅 booking agent，專營 local tour （此行都 join 左佢地其他 tour，真心正，遲啲再打），啱啱發展緊香港呢邊嘅業務，喺佢地度買我計過同 yen 係一樣咁濟！不過要留意番攞飛時間啊！（等我試 R 吓 discount 比你地先?有嘅我 edit post 啦）
購買環球影城實體門票
P.S 我覺得 USJ 應該 sponsor 我?
延伸閱讀：
【終極懶人方案】 京都 day tour 玩住轉場@麻甩空姐
東京跟團日和：富士山、紅色波波草、葡萄園@麻甩空姐
有一種人，叫葡萄撚（上）@麻甩空姐
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。