宜蘭羅東夜市 | 挑戰12安士雞排

嚟到羅東，你夜晚點會唔嚟羅東夜市行下食下？一路圍住羅東夜市行，你係一定會食到飽的，因為周街都係野食，好似三星蔥餡餅、羊肉湯等嘅好西‬。不過，小編今天介紹的食物，你都會想挑戰一下。

呢間叫赤炸風雲嘅炸物店，以自家首創的12盎司/安士雞排以及現炸海鮮而聞名，喺2006年夏天創立於羅東夜市外的巷弄，然後於2008年正式進駐羅東夜市，再一步步在台灣各地開設分店(主要集中在宜蘭和花蓮)；去年開始更開始向海外拓展，在中國大陸和澳洲的悉尼、墨爾本和布里斯班都有分店。小編嚟到羅東，啱啱食完個三星蔥餡餅就見到呢間野，既然佢寫到明12安士雞排咁厲害，小編真係好難唔排隊買一塊嚟試下！

佢嘅雞排當然係即叫即炸啦，炸起放涼後佢會問你要咩醬/咩味，佢有照燒蜜汁、泰式酸辣、胡椒、辣味及甘梅幾種，小編自己都係揀了胡椒，但後來見到蜜汁好似會更美味，心諗：下次應該自己醒水！

講返塊雞排先：佢用個紙袋裝住塊雞排，塊雞排用個袋啱啱好裝得到，小編一撕開個紙袋，塊雞排真係好大塊啊！好多人以為咁大塊入面塊肉實好薄，但呢塊雞排真係真材實料，厚肉地且啖啖肉，雞肉唔柴皮，外皮炸得脆，一路食到底真係幾 Heavy 下，但小編總算挑戰成功！

另外呢間炸物店仲有霸王魷、炸花枝、牛小排佐脆薯等小吃供應，大家都可以試試。不過如果 Fair 啲講，店舖嘅服務態度有待改善。