【 FlyJapan 】大阪｜單車友勝地 - 淀川河川公園睇芒草@日本住人港喱啲

在入境日本前，建議 先用Visit Japan Web完成一部分檢疫手續 ，便能更快速地入境日本， 即睇使用教學 ，例如註冊步驟及同行家人如何填寫等，以及買定 日本電話卡 。

由於公司同屋企都係同區既關係，所以每日我都係踩單車返工。單車代步喺大阪市嚟講非常普遍，原因係交通費比東京仲要貴！就市營地下鐵嚟講，兩三個站都要240YEN，近近地一來一回都差唔多港紙三十蚊，非常唔划算；所以好多人都以單車代步，而且D單車泊到通街都係，甚為壯觀。

單車除左用嚟返工返學買餸代步之外，假日時仲可以用佢嚟遊山玩水。喺大阪市內有一條路程長、風景優美，而且適合各種郊遊活動嘅河川公園：佢嘅名係叫淀川。

淀川—屬於日本最大湖泊琵琶湖嘅支流，全長約75公里﹔貫穿京都、高槻、枚方、大阪等多個城市。而沿岸設立多個河川公園供市民享用。

一條由大阪可以踩去京都嘅單車徑

(海老江地區為大阪市範圍，大山崎地區為市京都府範圍，踩畢全程估計需約5小時)

沿途一邊清澈湛藍河景，一邊綠草如茵嘅小坡風景，偶而會睇到學生們操練棒球大灑汗水嘅情景﹔彷彿置身喺日劇、動畫、以及寶礦力廣告當中，感受到一幕幕青春熱血嘅畫面。當我戴上耳機，播放著ZARD姐姐嘅歌，再配合眼前所見到嘅光景一直向前進發，負能量即時全消，頓然覺得人生其實仲有一絲絲希望陪伴著我哋同行！

而喺春秋兩季中，某部分地區河堤上會盛開各種花草，如油菜花、波斯菊、芒草等，為唔同季節嘅淀川增添燦爛色彩。

每年炎夏都會舉行一年一度嘅河川花火，有機會嘅話大家一定要欣賞一下。

點擊欣賞大圖：

到目前為止我最多只可以由海老江踩到寢屋川，有機會再繼續挑戰!

地址:大阪市淀川河川敷十三付近

大阪有什麼好去處及景點推介？

大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。