夏威夷人最愛：午餐肉壽司

夏威夷，一個好多香港人都知但未必去過嘅地方，對於夏威夷嘅印象，相信好多人都會諗起菠蘿同草裙舞，但你有冇諗過夏威夷人平日係食咩㗎呢？
答案就係：午餐肉壽司Musubi

由美國午餐肉品牌 Spam、加上白飯再用紫菜包住而成，同日本嘅壽司唔同嘅係，Musubi用嘅飯冇加入白醋，而且係熱食嘅。

先講少少 Musubi 嘅由來，話說 Spam 午餐肉係美國軍人主要嘅食糧，二次大戰時美軍將Spam帶到夏威夷，令到Spam喺夏威夷普及起嚟，而當地嘅日本人亦將 Spam 轉化成依家嘅午餐肉壽司。