呢位被我稱之為「GoPro影海龜嘅專家」，叫浩維，係小琉球珊瑚民宿嘅老闆，差唔多每日我喺到發緊夢去旅行個陣，佢就會喺Facebook post相「放毒」！今次48小時快閃小琉球第1日環島踩單車之外，第2日就跟住呢位年青老闆玩SUP衝浪兼搵海龜。
我認識呢個陽光男孩時，當年佢只係19歲，開咗小琉球珊瑚民宿，懷住一個大夢想保育環保之餘發展度假旅遊。今年，佢22歲，剛服完兵役，依然走在夢想路上。民宿剛剛重新裝修，房間更舒適之外，大廳加了小型open kitchen，由呢位外號「小琉球彭于晏」既型男每朝煮早餐俾客人享用。浩維對海洋環境一直很有想法，怕潮間帶過度開發參觀，破壞越來越嚴重，所以好動嘅浩維為小琉球引進水上運動，將SUP衝浪(Stand Up Paddle)帶進小琉球，為小島旅遊增加多元化活動。
喜歡海洋嘅浩維平日最鍾意襯空閒時間同客人一齊出海玩SUP衝浪兼搵大海龜。由珊瑚礁組成嘅小琉球，海床都佈滿海龜賴以為生嘅海藻，海水平均溫度維持25至29度，非常溫暖，所以小琉球非常適合綠蠵龜居住。成日聽到當地人話：「在小琉球看不到綠蠵龜的機會很低。」依家差唔多有500幾隻綠蠵龜喺小琉球居住，最大嘅差不多一米多，超過一百公斤以上，真係成個人咁大。
浩維︰「如果大海龜不怕人，他們都會在同一地方出現，拍照時小心不會碰到他們。」綠蠵龜身體雖然好大，但喺非常細膽，如果佢游到你附近，千祈唔好嘗試用伸手摸牠，亦都暫停踢水以免嚇親佢地。近距離say個 hi，繼續望住佢地優雅自由自在咁搵食。
喜歡海洋嘅浩維平日最鍾意襯空閒時間同客人一齊出海玩SUP衝浪兼搵大海龜。由珊瑚礁組成嘅小琉球，海床都佈滿海龜賴以為生嘅海藻，海水平均溫度維持25至29度，非常溫暖，所以小琉球非常適合綠蠵龜居住。成日聽到當地人話：「在小琉球看不到綠蠵龜的機會很低。」依家差唔多有500幾隻綠蠵龜喺小琉球居住，最大嘅差不多一米多，超過一百公斤以上，真係成個人咁大。
浩維︰「如果大海龜不怕人，他們都會在同一地方出現，拍照時小心不會碰到他們。」綠蠵龜身體雖然好大，但喺非常細膽，如果佢游到你附近，千祈唔好嘗試用伸手摸牠，亦都暫停踢水以免嚇親佢地。近距離say個 hi，繼續望住佢地優雅自由自在咁搵食。
綠蠵龜同人類嘅生活習慣都差不多，朝早或者下晝3、4點都會出黎搵食物，所以亦喺會遇到綠蠵龜嘅最好機會。中澳沙灘係最近觀光碼頭嘅沙灘，因為一帶有大海龜出沒，平日好多當地人或者遊客都會係到浮潛碰碰運氣。中澳沙灘亦係玩SUP衝浪嘅好地方，浩維嘅民宿免費提供 SUP衝浪設備，唔識玩SUP唔緊要，有浩維親身教授。
浩維：「呢幾年太多遊客，若果每個客人都去潮間帶，生態當然受影響。要持續發展觀光業，就要增加其他嘅玩樂元素。」
在夏威夷、澳洲黃金海岸非常流行嘅SUP衝浪，其實學習非常容易，就算之前毫無滑浪經驗嘅參加者都可以快速上手。SUP 立式單槳衝浪同一般滑浪最大嘅分別在於滑浪者企喺更闊更長嘅衝浪板用槳划行，或者坐直接坐喺滑浪板上，隨風飄流欣賞美景。好彩的話，同客人玩SUP衝浪時，見到海龜蹤影，馬上潛落海底同海龜selfie一下。
小琉球珊瑚民宿 http://www.coralbnb.idv.tw
