世界咁大，我相信每個人都總有幾個地方非常想去，
歐遊？探險？潛水？睇極光？
可能一諗 去旅行 就諗咗成晚，數極都極唔完～～
有時候同情侶、同朋友plan 去旅行 ，可能剩係講去邊個國家地方，都已經有好大分歧……
以前同女朋友第一次傾 去旅行，
「不如我哋去泰國玩水吖？」
「吓……你明知我唔鍾意落水喎……不如去日本啦～有好多嘢食、多嘢玩。」
「但兩個月前我先同朋友去完東京咋喎！」
雖然係咁講，但你知道同另一半有得去玩，去邊度又有咩所謂～
最重要係同你最愛嘅人一齊出發：）
就算同朋友或者都一樣……
有時個地方可能係自己想去嘅，但偏偏個朋友就喺個旅程嫌三嫌四，大家食嘢嘅口味又唔同，想行嘅想睇嘅地方又唔同，
有時，分分鐘覺得慘過自己一個去。
但相反地，就好似當日自己同幾個老死一齊出發，可能只係簡簡單單去一轉台灣都已經開心。
雖然台北呢個地方已經去過好多次，又或者已經覺得冇乜特別，但最緊要係睇下同邊個一齊去玩！
「肥仔～今晚同你瘋狂橫掃夜市！」
「哈哈，我怕你行到一半就飽到反艇！」
「你哋兩個講乜呀？買定一打啤酒，返酒店繼續！」
或者就係幾個男仔、幾個閨密一齊開開心心、簡簡單單咁吃喝玩樂，無論台灣定銅鑼灣都一樣玩得咁開心……
（講笑啫！咁一定台灣爽皮好多。）
PS： 搵到一個最夾自己嘅旅伴，比起搵到美食、風景更加無敵開心。
個人動態:) Ig： hottofuzai
https://www.instagram.com/hottofuzai/
更多文章 fb： 熱豆腐仔
https://www.facebook.com/hothottofu/
