話說到埗是凌晨，知道啊姐book了皇宮high tea（high tea正解是頹飯我知道），臉皮厚厚的我當然R去啦，畢竟這些機會唔係次次有，有得去真係唔去？

吃tea的皇宮叫 fulaknuma palace，是市內一個歐式建築的皇宮，建於1893了，然後在2010由豪華酒店集團Taj改建成酒店，有spa做有tea食，仲可以租個ball room搞party / wedding，印度人咁好諗頭，保育之餘賺埋你錢，犀利犀利。

到埗之後要轉皇宮內的golf車，沿途養左一打孔雀，嗚哇好浮誇！

到達宮殿之後上閣樓，坐低等食啦。一路望住海德拉巴全景一路食三層高甜品，食件事好Marie Antoinette老老實實d野真係甜到糖尿病，d蛋糕就乾到手，叫做食個氣氛啦。
 

最頂癮係海得拉巴好Q多烏蠅，所以每一枱都有個專人拎住塊強國味甚濃既烏蠅拍fak黎fak去，笑到我傻。

特別的訂位技巧

如果你想體驗下有幾離地，（雖然我懷疑港女會唔會去印度旅行）可以打去預約，不過佢每次都會話full book（因為唔想做），所以只要你屌屌佢佢就會改口話有位架喇。

聯絡電話及導賞時間：

電話：+91 40-66298585
三時恭候三時半入席，可以揀western / Indian style，多人既話可以各一試曬兩隻。五點會在正門開始導覽，記得早啲埋單因為逾時不候的。
 



照片攝於 fulaknuma palace , Hyderabad, India.

下一篇：突變稀有人類　被野生捕獲