比人屌唔出post原來係呢個感覺😂屌寫喇寫喇。
話說最近突登換左班印度機出去探險，本身諗住邀請男友 / 舊同事跟機，點知一個要開工一個番新工走唔開，最後都係得我自己一條毒撚孤身上路。
出發之前緊係要睇下喬寶寶段「你老母呢度係印度呀」片黎壯下膽啦，始終印度都算係進階旅人之選，都驚驚地架。不過出左去兩日，發覺同南美都係異曲同工之妙，一樣都係亂亂地、無乜秩序又好嘈咁，不過印度人再燥底d。
好開心見到當地人原來真係會屌屌fing勾住架巴士搭巴士架！（不過影唔切）又去左market見到好多小販都會儘自己所能有咁多野咩咁多野上身，最刺激當然係印度式過馬路（姐係狗衝），四方八面而來的摩托篤篤同行人炒埋一碟，啲車呔喺你腳邊0.03mm擦過再響咹，好撚勁。
其實如果程機唔係咁啃，印度long stay是好野來的。（廢話）
