喺為大家分析之前，首先要知道，不是張張信用卡用來交水電煤費都可儲里數，只有部分卡同埋有限制。而家先同大家睇下邊啲卡可以，同埋佢哋嘅飛行里數兌換比率！
交水電煤費可儲里數的信用卡如下
- 東亞Flyer World：$5=1里
- HSBC滙豐信用卡（白金以上）：$25=1里
- 建行銀聯：$15=1里
- 花旗Rewards：$15=1里
- 花旗Premiermiles：$8=1里
- 星展黑卡Black World Master：$6=1里
- 星展黑卡Compass Visa：$25=1里
就咁睇，東亞Flyer World信用卡先以最抵價錢換取里數跑出！
1）交水費
網上繳費（e-banking）：東亞Flyer World、HSBC滙豐白金卡
可以用嚟交水費兼儲里數嘅卡唔多，以上2張卡嘅用戶有福喇！特別係網上繳費真又方便又快捷，Click一Click交到水費同時賺埋里數。
2）交煤氣費
自動轉賬：花旗信用卡
網上繳費（e-banking）：東亞Flyer World、HSBC滙豐白金卡
就咁睇嚟，東亞Flyer World喺煤氣費呢一個Part領先，無論係網上繳費抑或親身繳交，都用得著儲里數！
3）交電費
港燈
自動轉賬：星展信用卡
網上繳費（e-banking）：HSBC滙豐白金卡、東亞Flyer World
親身繳交：中銀Visa白金卡、
中電
自動轉賬：東亞Flyer World、花旗信用卡
網上繳費（e-banking）：HSBC滙豐白金卡、東亞Flyer World
香港人成日要捱「貴電」，幸好兩間電力公司都接受比較多銀行嘅信用卡繳費，分分鐘係呢度賺最多里數！
4）交保險費
自動轉賬/親身繳交：東亞Flyer World、花旗信用卡、HSBC滙豐白金卡
網上繳費（e-banking）：HSBC滙豐白金卡
相信好多打工仔都揸住至少一份保險，個個月都交至少成千蚊保費，以上信用卡用戶記得「醒水」喇，唔好錯過每個賺里數去旅行嘅機會！
5）八達通自動增值
適用：東亞 Flyer World、HSBC滙豐白金卡、花旗信用卡、星展信用卡
小編係呢到加送八達通自動增值Tips比大家，估唔到咁生活化嘅使費都可以用嚟儲里數，真係好想即刻換機票去旅行！
注意事項
平時交水電煤雜費都不外乎3大方法：自動轉賬、網上轉賬e-banking或者自已親身去交。如各位已搞清平日過數方法，咁就可以自己對應番每一張卡交雜費可以儲到幾多里數喇！
其實而家好多銀行都已經將賺里數方式收緊咗好多，例如星展、花旗與國泰等已不容許利用e-banking轉賬賺積分，只有東亞和滙豐等提供。
繳費首選卡：東亞Flyer World + 滙豐白金
綜合來看，東亞Flyer World 與 滙豐白金 都係交生活雜費嘅不二之選 ，因為兩者分別係5個範疇上都可以儲積分。但如要數當中嘅里數卡王，一定非 東亞Flyer World 莫屬！佢根本上係「無得輸」，除咗用途廣泛，兌換比率（$5=1里）亦都係排係首位！而匯豐就一定要跟建行銀聯卡一起使用，比較麻煩，加上一睇消費比例，東亞$5=1里與滙豐只有$7.9=1里，當然是東亞較為「神」啦！
