日前係超級市場買左一盒朱古力味的撈麵，覺得可能應該幾特別(你睇D用字就知幾唔sure啦)，所以就買黎試下，點知真的中伏鳥。
煮既過程就好似普通既撈麵一樣。
首先加熱水等待三分鐘，之後將熱水倒掉，加入三包分別係鹹既醬油、朱古力碎和朱古力醬。
其實聽到呢三款醬料就知道可能會中伏，但都要試一試。
為了享受呢個套餐，我仲沖咗杯熱既可可飲添。
結果是：超難吃！超難吃！超難吃！（因為真的超難吃，所以要重覆3次）
個麵嘅味道又鹹又甜，實在太奇怪，唯有硬住頭皮食完，飲返杯美味既可可就算啦。
中伏鳥!!!朱古力撈麵唔好亂試！
廣告
