三年前機上的一段話 回想初衷@狼之

那時我剛完成愛爾蘭工作假期，從德國坐飛機回家。由於機程有12個鐘，所以就搵咗左右兩邊乘客吹水(冇咁悶嘛)。左面是香港人Queenie，她去德國工幹；右邊是台灣人Yu，她剛完成交換生計劃，也是在回家路上。閒聊之下，得知Queenie在旅遊業工作，當時發夢想做旅遊記者的我便問應該點「入行」？佢同我講點入行已經唔記得，但我記得佢問我「咁你嚟緊有咩計劃？」

當時嘅我只係個剛畢業、去咗一年工作假期的傻仔，諗到的只係「想，就去做！」經濟系畢業的我同Queenie講我唔想做銀行了，想入旅遊業，想將自己背包旅程的故仔同香港人分享。流浪漢的對話；街頭藝人的信念；中餐館員工辛酸等故仔，因為佢地嘅價值觀、生活方式影響得我好深，顛憂了二十幾年來一直的想法。

沒有寫字經驗，非傳理系的我，
在回家路上半年前開了個Blog，叫「 狼之的背包 」寫低自己的旅行故事，分享旅途上的感覺。Queenie再問我「你覺得夠嗎？有咩方法令自己入行？」當時的我咁講：「我知自己不能一步登天，我可以慢慢來，從入報紙、雜誌入手，打雜也好；印刷也好；寫副刊八卦嘢也好，入到行，就有機會！而且我會印自己寫的故事在旺角、尖咀、銅鑼灣街頭派發，等大家知道有呢個Blog！」

那時的自己，真的很顛，為了想完成的夢想會用盡各樣方法，嘗試每個可能性！記得最後我沒有在街頭派發自己的故仔，亦很幸運找到一份在旅遊網站的工作。

三年之後的今日，膽子好似細咗，做咩都好似要諗過度過，忘記了自己道火。看來街頭派故仔的計劃要為「 來電波吧！Backpackstaff」呢個旅遊節目重啟了！

‪#‎青春是用來燃燒‬ ‪ #‎旅行是一個行動流浪是一種信念‬