文：hoilee | 圖：胡慧沖、相關機構
不怕擠逼 開放式購物空間
來到曼谷，血拼的三甲之選 Siam Discovery 必定榜上有名，皆因商場由原本六層擴建至八層，進駐了超過5,000個品牌，特色雜貨以至國際名牌都應有盡有！
01｜不斷求變 新平台落成
短短一年後，又有新景點落成了，今次就是兩大商場 Siam Discovery 及MBK Center對出的新平台。新的平台設計前衛，燈柱造型夠創意，入夜後繽紛搶眼的燈光效果，吸引了不少遊人駐足打卡拍照。吃過晚餐後，在平台上散步休憩也很不錯，不少本地人亦覺得這裡很漂亮呢！
02｜自戀 IG 牆 忘我一分鐘
只要喺門口嘅手機登入個人 Instagram，入到去就會被密麻麻嘅自拍重重包圍，落地大螢幕免費為你閃足一分鐘。
03｜街頭藝術家 X 限量潮鞋
泰國知名塗鴉大師 Alex Face 同 Converse 聯乘，為長青白布鞋加點玩味。可惜僅得 8 號鞋碼，算係細腳女生限定！幸好有上年新推嘅 Chuck Taylor 純色編織系列補數，市面罕見，要買趁手！
04｜邪惡新食 拉芝窩夫熱狗
位於 4 樓嘅美食車同 Food Court 絕對可以行到累時醫下口痕！最矚目吸引嘅必數熱辣辣出爐的拉芝窩夫熱狗，用鬆脆香口的窩夫夾煙肉腸仔，再大手筆淋上厚稠的熱熔芝士，真係睇見都流口水！
05｜文青必敗 撐曼谷設計
呢間選物店專攻本土設計，集合多個地道泰牌。定價大眾化，買多幾件做手信都唔會肉赤！
06｜緊貼日潮 新奇雜貨
日本雜貨店 Loft，進口多款「Made in Japan」的家品和文具，當中不乏至潮至 in 嘅創意小物。貨品雖飄洋過海，但價格拍得住日本，買得過㗎！
Siam Discovery
地址：Rama I Rd, Pathum Wan, Bangkok
交通：National Stadium 或 Siam BTS 站直達
網址：www.siamdiscovery.co.th
下頁續：10 大必買 泰國手信
延伸閱讀：
曼谷Airbnb ｜超貼心4大特色住宿推介
曼谷有什麼新酒店推介？
連鎖名牌酒店相繼在泰國曼谷落成，奢華酒店Rosewood、日式簡約Hotel Nikko通通在19年開幕，這些酒店地點優越、設施頂級，屹今入住熱潮仍未過退。近年曼谷新開的7間酒店，就正好讓大家試試新酒店的設施及配套，享受一番。即睇：曼谷新酒店推介。另外，到曼谷前大可買定泰國電話卡。
曼谷有什麼景點好去處？
泰國曼谷旅遊行程推介，而夜市可以說是必去景點之一 ，必去最新夜市Jodd Fairs，品嚐火山排骨及水果西施即製果汁等夜市招牌美食，也可到必食餐廳享用美食。購物的話，除了Big C或商場，其實曼谷第二個大型Outlet：Siam Premium Outlets及首個名牌Outlet也值得一去。行街行累了，可到曼谷按摩店享受泰式按摩；想要一暏曼谷天際美境，則可到Rooftop Bar。
