港人北上試蟲蟲療法
近日，就有網民在Facebook群組「深圳吃喝玩樂資訊關注組」發帖文分享一種特別的療法，當中居然要用到蟲！他在帖文中寫到：「嗱，今次特別啲！今次真係大開眼界，生存到而家先知深圳有呢一種醫療法，好多人可能都唔知呢種物種係乜來！我係鄉下仔梗知喇，朋友介紹時睇見嚇一跳！都唔平要100人仔（約107港元）一條，朋友話真係有效喎！」帖文出街後引起不少迴響，就有人希望北上一試，更數出背後的3個原因。
1.治療有效用
不少網民表示，雖然這個療法看起來恐怖，不過就非常有效用，一些陳年舊傷都能治好：「古代療法，以前啲人眼袋大啲都係咁吸，吸到佢變細」、「朋友背脊同手指痛楚，佢話吸完舒服晒，見佢手指真係冇咗腫脹，神奇！」、「我老公話細個畀嘢咬。腳趾腫到一舊嘢又黑又瘀，醫生驚有毒話要放血，拿了一條呢啲畀佢吸血，吸晒血就無事。」、「見過鄉下人用嚟醫皮膚，嗰時啲細路仔好多都有頭瘡和周身癣，『蜞乸』就係皮膚專科醫生」
2.安全衛生
此外，不少網民擔心水蛭的來源，而樓主就表示好安全，事關店家透露「用完會掉！」，為此樓主直言「一係信一係唔信，自己選擇！」而其他網民亦說到：「這治療法好幾十年了，應該用養殖的」、「呢種係醫療用途，唔係落河捉架！」
3.外國醫生都採用相關療法
最後，就有網民表示這種療法已經有外國醫生採用，因此並非什麼偏方：「外國醫生也有用這種另類療法！」、「呢個療法見外國醫生都會用，所以ok嘅！」
超生猛蟲蟲網民見到就驚：唔係人人敢試！
據報道，水蛭療法這類型的醫療可以追溯至數千年前，不過並不是所有網民都能接受把一隻活生生的蟲放在自己身體上吸血，因此大家紛紛留言表示：「打死都唔要啊！咁恐怖，都唔知道上手用完有冇消毒」、「吸血蟲，要有專業知識先可以用」、「有無效就唔識，不過要100蚊條，其中$99.9係智商稅，行落啲田嘅水入面浸10分鐘，大把吸在你腳上面。」、「本身隻蟲有病毒或細菌，會唔會感染」、「愛滋都係咁樣傳染」、「呢啲都唔知來源係邊，入咗細菌輕則截肢，重則冇命。」
