最近香港非常流行玩AI換臉app，不少明星都會曬出自己虛擬化後的模樣，近日MIRROR成員Edan就非常鬼馬，將自己的照片透過AI app變成女仔，張張都靚爆燈，更搞笑表示：「不要愛上我，我只是個傳說，想追我的，應該要排到去月球喔！」令網民相當震驚，沒有想到AI居然強勁到幫人換性別，靚仔變靚女！不過Edan呢個「Before」同「After」都仲未算勁。事關近日網上出現一位日系清純美少女，甜美的外貌被指撞樣「福岡第一美少女」，不過原來「她」的真身居然是位中年大叔，震驚不少網民，高呼：「有圖都冇真相」。

日系美少女 中年大叔 最近香港非常流行玩AI換臉app，而Edan都有玩埋一份！
最近香港非常流行玩AI換臉app，而Edan都有玩埋一份！（圖片來源：Instagram@edanlui）

日系美少女 中年大叔 Edan唔單只變樣，仲「變埋性」。
Edan唔單只變樣，仲「變埋性」。（圖片來源：Instagram@edanlui）

日系美少女 中年大叔 不過最近就有位大師玩AI仲勁過Edan。
不過最近就有位大師玩AI仲勁過Edan。（圖片來源：Instagram@edanlui）

日系美少女 中年大叔 網民看完照片後感到震驚。
網民睇完啲相之後都忍不住震驚大叫：「呢個世界冇嘢係真！」（圖片來源：《愛回家》劇照）

中年大叔靠一招變清純美少女

人工智能是近年來大家相當關注的話題，例如AI繪畫、AI模仿歌手的聲線唱歌，無一不受到網民關注，而AI的學習能力非常驚人，只要給出清晰的指示，就會盡能力產出你想要的事物。日本一位從事3D藝術創作長達15年的設計師Hirokazu Yokohara，就在社交平台上曬出一條影片，當中見到一位清純美少女，不過睇真啲居然是設計師本人，他表示：「利用AI將大叔變成美少女！」片中所見到，水汪汪的眼睛、白滑的肌膚、柔順的頭髮，明顯與真人的形象截然不同。當值得一提的是，AI的面部表情捕捉非常厲害，這位人工美少女可以完美複製大叔的動作及表情，假如沒有對比圖，相信不少人都會認為這只是一條開了磨皮效果的影片。

日系美少女 中年大叔 呢位日本中年大叔玩AI玩到出神入化。
呢位日本中年大叔玩AI玩到出神入化。（圖片來源：Twitter@Yokohara_h）

日系美少女 中年大叔 清純美少女真身居然係大叔。
普通情況下又點會諗到清純甜美美少女，真身居然係大叔，真係好衝擊！（圖片來源：Twitter@Yokohara_h）

日系美少女 中年大叔 「清純美少女」係男兒身
呢位大叔最後最後仲要除埋頂假髮，力證「清純美少女」係男兒身！相信不少網民幻想破滅。（圖片來源：Twitter@Yokohara_h）

日系美少女 中年大叔 有人表示AI美少女同「福岡第一美少女」今田美櫻撞樣
有網民話AI美少女同「福岡第一美少女」今田美櫻撞樣。（圖片來源：Instagram@imada_mio）

日系美少女 中年大叔 今田美櫻
今田美櫻近照。（圖片來源：Instagram@imada_mio）

網民大呻失戀：果然網上冇嘢係真

帖文出街後引來不少網民討論，當中有人表示AI美少女同「福岡第一美少女」今田美櫻撞樣，又搞笑表示：「以為自己拍拖點知唔使一秒就失戀」、「請問網上仲有咩係可以信」、「如果你願意相信謊言，咁你會更加快樂」、「以後真係要更加小心提防詐騙。」、「果然網上冇嘢係真」。

日系美少女 中年大叔 網民大呻網上冇嘢係真。
網民大呻網上冇嘢係真。（圖片來源：《來自星星的你》劇照）

圖片來源：Twitter@Yokohara_h、Instagram@imada_mio、《來自星星的你》劇照