無手機旅行必備旅遊天書、地圖、報團　網民：以前啲人無咁冷漠

近日有網民在討論區以「以前未有smartphone年代，係點樣去旅行？」為題，不能想像以前沒有地圖、資訊不足的情況下旅行。而網民亦熱烈回應樓主：「唔識就問人」、「一定買旅遊書同Plan行程」等。

無手機旅行必備｜01 買旅遊天書：閃令令、Lonely Planet 、西歐遊

以往書店內一定會有一區放滿「閃令令旅遊書」，書中印有不同地區的特色景點，是「旅遊天書」。網民指：「買書買地圖」、「買閃令令封面嗰隻旅遊書」、「簡單啲嘅就買書同問人」、「買Lonely Planet」、「《西歐遊》超精簡」 等。

無手機旅行必備｜02 拎地圖

以前GPS未算流行，不少人出發前都會做足準備印地圖再出發。網民指：「買地圖，手抄print定目標名」、「一定要買定紙本地圖」 、「以前一出JR 站第一件事係去tourist centre 拎地圖」、「一向買定地圖，出酒店前袋定酒店地址卡片」、「機場攞地圖，酒店攞附近地圖」等。

有網民都分享沒有Google Map下所發生的蝦碌事：「試過印埋地圖喺北海道搵唔到間酒店，帶住老婆周圍兜，搵咗大半個鐘。一月又大雪，夜晚六點唔夠已經天黑，人都無個又問唔到路，最後坐的士，點知轉兩個灣就到」等。

無手機旅行必備｜03 問人的勇氣

人在異地當自己靠不住就要靠當地人，找不到路時勇於問人，當地人都會回答的：「經常會蕩失路要問人」、「雞同鴨講咁問路」、「問司機都得」 、「買紙本地圖+周街問人，以前啲人無咁冷漠」等。

無手機旅行必備｜04 報團唔使煩

以住旅行團依然十分熱門，當沒有時間做資料搜集時，亦是不錯的選擇。網民：「去泰國嗰啲搭車覺得好難搞，跟團方便好多」、「以前興跟團，有導遊帶，唔使搵嘢㗎」 、「越南泰國連字都睇唔明、車都唔識搭嗰啲就報團」等。

同時都有網民分享再早期的旅行模式：「再早期少少，歐洲好多地方有背包客咖啡店，有塊大壁佈版晒各種搵旅伴，一日遊消息甚至互相留低貼士講自已見到當地情況比後來者update」