港人遊日誤食鹿餅指好難食　但到底係咩味?

一個泰國按摩店專頁「泰極 Khob-Khun Thai Massage ＆ Express」分享遊大阪時的不愉快經歷，事關當事人到奈良公園時因為食了鹿餅，覺得好難食，好心提醒在排隊的香港人：「唔好買呀，好難食㗎」，但港人卻不發一言，沒有回應，冷漠的反應使他很生氣，事主最後得出的結論是「鹿仔同我哋口味唔同」 ，更提醒港人不要上前買餅食。

事主見好多人排隊　150 yen一包餅好抵買

事主當日與女朋友一同到奈良公園，趁女朋友去洗手間時，見到一檔賣餅的攤檔好多人排隊，見到150 yen有十多塊好抵買，加上自己又有點餓，所以他「唔執輸」跟着大隊買了一包。

提醒港人好難食：淡而無味又唔脆，得一陣雜草味

事主品嚐後指：「食咗幾啖，覺得淡而無味，又唔夠脆，剩下一口清清的雜草味」，根本無可能食哂全部餅，難怪會賣得咁平。於是事主提醒正在排隊的港人不要買，但港人的反應十分冷漠，不發一言，沒有回應，指他們無禮貌。

最後發現鹿仔好鍾意食

事主的女朋友最後建議：「啲餅你覺得咁唔好食，不如畀鹿仔試下，可能鹿仔會鍾意食呢？」，事主為免浪費了150 yen，所以餵給鹿仔食，得出「鹿仔同我哋口味唔同」的結論，但事後回想起仍然覺得生氣。

網民創新食法：個餅要加雪糕食先突出到個原味

網民建議鹿餅最佳食法指：「個餅要加雪糕食先突出到個原味」、「我見過有人加蟹肉都ok」、「配火腿仲好食，咸咸脆脆」、「啲餅要浸牛奶食㗎」、「返去煎返熱再搽花生醬食」；又有網民笑：「手信名物嚟嘅」、「啲鹿仔有無嬲你呀」、「同啲鹿爭飯食，啲鹿唔撞你都算畀面」、「你女友好有愛心呀」等。

大部份網民質疑真確性，指：「呢個post曲定直㗎」、「你玩膠定認真？」、「唔知以為Matt Leung 嚟咗」、「曲線要講明」等。