港人斥香港天文台比不上澳門氣象局 發放資訊模糊不清「好無用」！
天文台發出天氣警告的做法一直備受網民爭議，今次熱帶氣旋「木蘭」來勢洶洶，消息更指今日（8月10日）風力會達8級，有可能掛8號風球而放假一天。惟天文台一直表示「將視乎熱帶低氣壓的強度變化及本地風力變化，天文台會密切留意該熱帶低氣壓的發展及動向，決定發出更高信號的可能性」。對於天文台發放的預測資訊，網民皆「唔收貨」，更在討論區表示極度不滿，直斥「成日考慮考慮，稍後稍後，除咗呢兩句仲有咩講？」、「幾點掛就幾點掛啦，直接少少畀啲勇氣出嚟好唔好？」、「每次都係睇住個市或者驚人唔返工要狽飛而唔肯發8號風球，拎市民生命嚟玩」、「香港天文台係全世界最唔科學嘅天文台」。
港人力讚澳門氣象局：學吓人整份表啦！
其後上載一張來自澳門地理物理及氣象局的風球預報表截圖，訓斥香港天文台「學下人哋澳門氣象局啦，整份表出嚟交代好難咩？」從澳門氣象局的圖表可見，當中清晰列明天氣警告信號的預料發出時間及可能性，網民認為這樣才是負責任的做法，質疑「如果今日係假期，香港都一早掛咗8號風球啦」。
網民反擊力撐天文台：班打工仔想放假為鬧而鬧，自己「射波」囉！
不過亦有網民為香港天文台發聲，反擊指「香港真係左右做人難」，表示如此不滿「不如各自做自己嘅天文台」，指「反正打唔打都投訴，唔返工咪唔返囉，僱主問點解唔返，咪話我屋企掛8號風球喎，又可以自我安排話我屋企打緊3號風球」、「掛8號又話遲，落左波又話早，大家都唔想返工多日假㗎啦。咁咪自己放囉，又要驚又唔敢射波，又要鬧！颱風路徑好難預測得」、「天有不測之風雲，點解成日要天文台一毫不差呢？」
