網上流傳荃灣豬肉威威露上身相：撈開古惑
荃灣豬肉威威戴上口罩後的外貌酷似MIRROR成員江熚生 (Anson Kong) 而被稱為荃灣肉檔AK，突然爆紅的他成為全城熱話人物，但人紅是非多，昨日有網民在網上社交平台連登討論區上分享Facebook兩張截圖，其中一張是阿威赤裸上身與衣著性感的女人合照；另一張圖則是網民爆料，指她朋友認識阿威的前女朋友，大爆阿威以前「行古惑」，之後才轉做正行。兩張相引來不少人討論，引來大批網民回覆指「睇佢頭髮同紋身都估到了」、「啲師奶淨係睇樣就話佢心地好好，乜個樣同人格有關係咩？」
帖文在網上引起討論，在留言下再有網民指出他同樣做豬肉檔的朋友，爆阿威為人花心「條友玩好多女人，啲報紙仲要寫到佢好愛妻，真係好噁心！」更有網民指阿威的紋身佔上半身極大比例，直指「唔係黑底都無人信」，更有網民串爆留言指其實都沒有分別，指他以前對付人，現在對付豬，事件引來大量網民關注。
一口氣上載2條影片 哽咽回應傳聞
日前（16日）晚上11時，阿威終於在社交平台回應黑幫傳聞一事，他一口集上載2條影片，並寫上「我會繼續努力，做好自己，多謝大家」。他在影片中澄清自己是一個基層屋村長大的普通人，並非大家所指的「黑社會」、「古惑仔」。在影片中他突然哽咽控訴︰「點解有紋身的人就唔喺好人？就要被人歧視？」他也提到自己雖然是在街市做肉類分割技術員，但最後卻被謠言指是用刀斬人，涰泣地表示︰「之前聽好多人講，人紅是非多，實會被人攻擊。但喺依家自己…明白呢個道理，自己感受到…」阿威其後一度淚崩，最後需要暫停影片。
阿威再指另一條影片續說：「幾大壓力，喺幾唔開心，但係無辦法，把口…生…喺人地到，我控制唔到，我只可以做好自己。」他又再次希望網民不要戴有色眼鏡去批評紋身的人，也不要誤以為在屋村長大的人一定是撈偏。他指自己也找了一個紋身師傅設計一個關於威威豬和記錄自己成名一刻的紋身，希望稍後會有機會公開給大家看。最後阿威淚眼汪汪向一眾支持和愛護他的人表達謝意，多謝他們個幾月來的支持。
網民對阿威的回應兩極化，很多威威豬留言支持阿威勸喻阿威不要理會閒言閒語，又指自己會繼續支持他。但也有網民留言寸阿威：「點解喊極都未喊到」、「係咪睇緊貓紙」、「好啦好啦 夠鐘返去斬豬肉啦」。
豬肉威威未回應做傳銷一事
近日有網民爆出一張疑似威威的照片，照片中該男士拎住一枝黑色產品自拍，眼利網民即指出拎呢支產品影得相就係做傳銷工作，仲指做得傳銷就無個好人。跟住網民仲搵出呢支產品功效神奇，「呢支嘢癲架，佢哋講到噴胸會豐胸，噴頭會生髮，噴臉會瘦臉，講到支嘢萬能有智慧識得知你噴緊邊。」有網民就話職業無變「咁以前職業都係劏豬，但就係劏港豬囉」、「傳銷傳到做明星，好勵志，銷佬又可以宣傳」、「唔怪之得唔除罩，原來做傳銷」、「總之建華啲馬仔一律唔當好人」。不過有網民就力撐威威「咁又點？要佢受網络公審？改過自身，已屬好事，何必要揭他瘡疤，人誰無過，豁達啲，睇開啲！放個過人，亦饒恕自己」
原文刊於《Sunday Kiss》
還有什麼演唱會消息？
無論是本地歌手還是外地歌手都即將在香港舉行演唱會，即睇：演唱會時間表及購票資訊，包括MIRROR演唱會門票兌換安排、容祖兒、鄭秀文、張學友、鄭中基、溫拿、羅志祥等。
