ACO衣著得體惹妒忌 被視為欠自知之明扮高層
事主在「公務員secrets」社交媒體專頁投稿，指有位新入職的ACO衣著光鮮，令人留下家底不俗的印象，但事主卻因其衣著不恥 ACO 的打扮似EO，認為他沒有自知之明，試探問他的住址，卻被ACO謹慎回應，避而不答。
因強制的缺勤證明被揭住公屋
後因ACO的住所被政府勒令強制檢驗而請假，事主心涼地表示「上天果然無眷顧佢，佢中咗強檢」，ACO需向上司提供住址作為缺勤證明，事主得悉ACO住公屋，竟然認為「一天都光晒」。
當ACO復工後，事主又急不及待地當面奚落他，拍他膊頭說：「紙係包唔住火，xx邨，xx樓。」又寸爆表示：「身為ACO要有自知之明，打扮再得體，始終只係ACO，仲要公屋仔，唔好FF自己係一個EO！」為自己篤爆ACO住公屋而沾沾自喜。
網民齒冷事主：狗眼看人低
帖文一出，網民極度鄙視事主的人格，「公務員果然係職場怪物，返工衣著是個人選擇，亦是尊重工作的表現，住邊都唔關你事，要試探更不知所謂，仲要放上網講，檢討吓閣下態度吧啦！」、「學下咩叫尊重先投稿啦！」、「太X得閒，人格有限，小人之心度君子之腹，為人膚淺」，甚至有網民不恥到事主「如果知道投稿人的部門，一定投訴佢歧視！」，認為事主行為過火。
有網民同情ACO，「住公屋唔可以做政府工？！」、「唔話你知住邊可能因為同你唔熟，唔想同你講咁多」，又表示「好多公務員返工，衣著有時過分隨便，好似落街買餸咁！」
