貨車司機堅拒為客搬貨獲網民力撐！影片曝光惹熱議：包搬加錢是常識吧｜有片

搬貨問題起衝突 司機無奈：95蚊幫你搬？

YouTube 頻道「車CAM特警」日前分享一段影片，片中可以看見兩位灰衣的貨車司機和乘客在爭執，互相警告不要有身體接觸，貨車司機更直言「我做咁耐都未遇過呢個問題，95蚊幫你搬？」，而不熟悉行情的年輕乘客深感無奈。及後，客人走到一旁嘗試致電朋友求救，提到「佢同我嗌交呀！仲話唔搬貨喎」，又指司機「攞出嚟都唔肯呀而家」、「佢話攞出嚟都要另外收錢」，影片只有短短 46 秒，並沒有交代事件後續，不過就引起網民熱烈討論，一面倒認為司機有理。

網民力場司機企硬 不要做壞規矩

影片上傳至網絡後，網民力撐貨車司機，直指該乘客是「西客」，打算「博懵」要司機無償搬貨。有人又提到一般運輸和送貨服務是分別收費，乘客如需要搬運服，應在 call 車下單前應該提出，並與司機達成共識，更直言「包搬加錢是常識吧」。其他網民也留言指「傻傻地！張單又唔係上樓！點會幫你落呀」、「要司機幫手搬貨加錢係常識，免費係人情。食懵你咩」、「$95又車又油又司機仲要搬埋」、「司機好波，千祈唔好做壞規矩，唔係下次就唔知邊個行家受害。」一致認為司機沒有做錯。