剪頭髮無帶疫苗證 港男公審髮型師
日前有將軍澳街坊於區內Facebook群組發文表示，他在假期特意到銅鑼灣一間髮型屋理髮，但到達髮型屋時才發現自己忘記攜帶豁免注射疫苗證明書，他向髮型師表示：「一係我掃咗安心出行先啦，剪完返屋企WhatsApp返張醫生紙畀你咪得囉」不過髮型師聞言後拒絕事主的建議，而最終他也未能在該間髮型屋理髮。
但髮型師的拒絕令他大為不滿，他表示當時十分憤怒：「嗰下嬲到呢」，並稱：「嗰周圍搵髮型屋，耗費了接近半日假期」。另外他也狠批到：「政府放寬畀你哋開返，咁寸（串）咁固執，一啲靈活度都唔畀，人哋特登過海，咁有米咪出嚟撈啦，洗剪吹$360都唔珍惜！」同時他更在文章中更貼出髮型屋及髮型師的聯絡方式，打算引網民與他一起公審髮型師的行為。
帖文引來不少網民關注，更被轉載至討論區，但網民卻一面倒鬧爆事主自私：「有啲人以為自己俾咗$360就大晒」、「咁巴閉，請個私家髮型師長期喺佢屋企守候囉，呢啲人真係以為世界圍住佢轉」、「如果係放蛇又點計？剪幾多先可以夠罰？」、「自己唔記得帶醫生紙，仲要將責任推落人度公審人，收你$360畀人封舖係咪你賠？」。
事主以英文發文道歉反被嘲
被網民連翻炮轟後，事主後來以再以英文發文，向髮型師道歉。同時也要求曾轉載他社交平台資料及相片的網民將資料刪除，否則會報警處理。不過此舉就再次引來網民「食花生」，並笑言：「咁得意嘅？你開晒人哋名同舖頭相話人就得嘅」、「呢位先生自己都cap晒人哋相上嚟公審，𠵱家俾人圍插就要報警，雙重標準」。
