最近有網民向Facebook專頁「西店Hi客之道 Hispitality Secret」投稿，分享他在超級市場購物的經歷。當日他在超級市場購物到收銀處排隊等候付款，在他付款完畢後就聽到有一男一女的客人在收銀處爭執。那位大叔無視秩序，沒有排隊就直接走到收銀處將多件商品扔到收銀台上，而收銀員也沒有多加留意， 就為大叔收錢。
而女方對大叔與收銀員的行為感到十分不滿，繼而與大叔發生口角。但大叔似乎對自己無視秩序打尖的行為沒有絲毫悔意，更在港女批評後不甘示弱地反駁到：「人哋都肯收你嘈咩？」。
而港女疑似是因為戰鬥力不及大叔，就將怒氣發洩在收銀員身上，瘋狂爆鬧收銀員，繼而叫經理處理，更要求當場所有員工列隊向她道歉！最後港女十分大聲地叫經理手抄收銀員的姓名，揚言要就事件投訴，才肯離開超級市場。
事件引來網民的熱議，不少網民同意事件中的3人都要各打五十大板：「大叔嘅回應係收銀都肯收妳嘈咩，唔係直接否認打尖，咁好可能佢真係打尖，只係將個責任推返落收銀度，偷雞成功。收銀冇留意條隊嘅情況，而收左個打尖嘅人先，收銀並無做好自己既職責。而個港女被打尖後發癲，個人修為低下無教養」。
但亦有網民指女方並沒有做錯：「打尖嘅話個女人完全冇做錯，原則問題，俾人踐踏緊自己權益，其他人係到助紂為虐，一係出聲反抗一係啞忍」，同時也有網民為職員抱不平：「你要鬧就鬧打尖嗰個，唔好為難人哋收銀同店員」、「收緊錢未必睇到邊個排緊後面」、「有時做收銀真係好難做，試過有客打尖我叫佢排隊，打尖個客又會鬧，然後鬧得勁下個客就會話算啦比佢先，然後個打尖客就會勁得戚咁話你」。
