移民英國｜中年港夫婦身家僅100萬 憂移英生活坎坷 網民用勵志經歷說服踏出第一步
日前有網民於Facebook群組「香港人移民英國資訊分享」發文，表示自己與老公皆已40多歲，小朋友則是一個小學生、一個中學生。他們一家四口打算移民英國，但她只是一個在寫字樓工作二十年的普通中級管理層，而老公幾年前則是做運輸行業，近幾年更是沒有工作，兩夫婦都沒有特別技能。同時他們也沒有物業在手，不能像其他人一樣「賣咗層樓拎住舊錢移民」，儲蓄也只有約100萬元。
在這樣的背景下，該名網民十分擔心究竟移民後「攪唔攪得掂」，不論是生活、工作、目的城市都是憂心的地方。但她也明言對香港的生活越來越難接受，不止要擔心隨時被解僱，又要捱貴租，又儲不起首期買樓，希望廣大網民可以提供一些意見給他們。
看到她的苦惱後，不少網民都為他們一家加油打氣，紛紛表示：「我都係香港N無人士，儲備唔多，得我老公一個有車牌，最緊要肯做，一定有工作機會」、「只要肯放低身段，過到嚟真係一定揾到嘢做」、「一家人要齊上齊落才可以面對新挑戰。其實在英國揸車都搵到食，下定決心便可」、「其實這邊藍領人工相當不俗，亦好吃香。特別係識揸大車、裝修、水電」。
同時也有不少網民分享他們的移民經驗：「我同你都一樣一家四口，兩公婆都40幾歲，明白你的憂慮！錢唔多、英文我老婆可以，但我奇差，所以我都擔心我能唔能夠應付到！但我相信只要肯去做，應該可以的」、「當初跟你一樣未嚟之前都會擔心呢樣擔心個樣，但嚟到之後就不斷睇已經嚟咗英國生活嘅香港人既YouTube片，睇到無論係咩年紀都一樣生活得好開心同搵到工！而家已經唔太擔心！所以鼓勵你，只要肯做一定生活到嘅！」、「你都話百零萬，我和家人三位只係得三幾十萬，現在人在英國，太太做緊飲食，遲些細路返埋學，我都會找工作」。
亦有網民提醒她要提前為小朋友做好準備：「個個都一定會同你講肯做就一定搵到工，兩公婆做最低工資嘅工生活一定無問題。其實呢個係事實，但點安排照顧兩個小朋友我覺得係必須要考慮嘅一個重要元素」。
