香港酒店Staycation好抵玩,對於煩惱土地問題的小情侶而言,自然吸引力十足。不過酒店房間只得僅僅數百呎,有港人就表示表示想知道孤男寡女在房間究竟可以得到什麼娛樂。有網民就笑話港人不識趣,「一男一女開房,有乜唔可以做」,又笑指出「下年一家三口再去」,亦有網民鬧爆問題無聊,斥問題有邏輯繆誤,根本無解!
撰文:CY|圖片來源:Facebook群組「香港Staycation酒店交流谷」
孤男寡女去Staycation房間有咩玩 網民精彩建議笑爆網民
或者是擔心飲酒會傷身,有港人於Facebook群組「香港Staycation酒店交流谷」中,以「一男一女去staycation,除左劈酒,仲有咩可以玩?」為題發問,引來不少網民留言討論。
有網民留言指「一男一女開房,有乜唔可以做」,又稱在房間做得多「運動」,隨時「下年一家三口再去」,實在難以推斷這屬祝福還是咀咒。不過有貌似經驗老到的網民卻稱「運動都冇得你做」,指「傻豬嚟嘅,個女仔到時一定帶埋大姨媽嚟,你玩手指啦」,貌似好大怨氣。
亦有網民認真回答,指通常情侶二人可以「Netflix and chill」,有時間亦可去健身游泳,又可以選擇清心寡慾,試試禪修,或者「唱聖詩、讚美主耶穌、讀馬太福音」,假設一個假期嘗試做足以上活動,似乎都相當充實。
不過有網民突破盲點,指此問題其實相當玄,皆因「一男一女嘅定義係?阿嫲孫仔、阿爺孫女、公公孫女、婆婆孫仔、阿媽阿仔、阿爸阿女、家姐細路、阿哥妹妹、男女朋友、普通朋友、男女同事、老闆員工……因為唔同嘅組合,玩嘅野都唔同,可唔可以講清楚係邊種?」
Tags :
酒店熱話