撰文：AY｜圖片來源：Facebook群組「香港 Staycation 酒店交流谷」
港男去酒店Staycation遇奇聞 一開門床鋪拱起「似有幾個人喺入邊」！
最近一位港爸在Facebook群組「香港 Staycation 酒店交流谷」分享入住經歷，指日前入住香港某酒店，一入房便看見奇怪畫面。從港爸分享的照片，可見床鋪拱起，疑收藏了大型物件，有網民指：「似有幾個人喺入邊」！更有人話睇完張相發惡夢呀！
見大家分享酒店咁開心，我都分享下我之前訂酒店嘅經歷，我一個人入到去見到呢啲場景，仍然保持冷靜入去坐低十分鐘先出返來接仔女上去，可見我內心幾咁強大，後來我去前台叫佢地上去執一執先，佢地問我咩事，我畀張相佢地睇，即刻話幫我升級，其實我本意都唔係投訴，只不過係幫我鋪平佢，順便睇下裏面係啲咩嚟。
網民：遇污糟嘢？
網民齊齊估 究竟入面收埋啲咩？
事主回應
事主發文時未有回應床鋪收埋的是甚麼，最後網友熱烈討論，引來事主澄清：
利申我根本唔知裏面咩嚟，因為我唔夠膽揭開，酒店都無話我知係咩黎。我入去坐低係扮鎮定，其實好驚青，不過我成日話我係無神論者，所以要堅持立場。
網民對於港爸可影埋相再坐10分鐘，都表示佩服！事主指：
坐10分鐘係因為我老婆帶啲仔女行過來需要時間，到咗樓下我先落去接佢地，跟住我怕啲細路嚇親先叫酒店上去執執佢，不過佢地話幫我轉間房同埋升級，我原意都唔係要呢啲，我自己真係唔敢揭開，始終一個人。
從事酒店業網民解畫
不過有自稱從事酒店業的網民，分享床鋪拱起的原因，大家可作參考！
