撰文：SY｜資料來源：新巴城巴 NWFB and Citybus FB｜圖片來源：新巴城巴 NWFB and Citybus FB
早前，新巴在Facebook宣布新推石澳全新特快巴士，更指309號線已返嚟，但會以全新嘅路線編號「X9」於6月26日（星期六）同大家見面。去程方面，X9號線會由中環天星碼頭開出，經中環交易廣場後就會直上中環灣仔繞道前往北角港運城，然後再經東區走廊直達龍脊、鶴咀及石澳；回程就會經北角、銅鑼灣再返中環。但網民不受落，更反批有4大問題！
1. 價錢貴
有網民認為今次全新巴士線車費$18.8，有點偏貴，更有網民指：「假日掠水特快，去北角坐8X, 19，銅鑼灣坐8，中環坐780唔好？中環坐948都未使$18.8」。
2. 所經巴士站不合理
今次X9號線會由中環天星碼頭開出，經中環交易廣場、港運城英皇道、爛泥灣石澳道、土地灣石澳道、鶴咀鶴咀道，最後到石澳。有網民認為，如果是特快，就不應該九曲十三彎，不知道「快咗去邊」，不少網民認為巴士途中所經站不合理：「特快但係每區都停」、「亂咁set站」。
3. 班次有問題
由中環開出的X9號線星期六服務時間為09:30 – 11:00，每30分鐘一班；星期日及公眾假期服務時間為09:00 – 12:00，每20分鐘一班。由石澳開出的X9號線星期六服務時間為16:30 – 18:00，每30分鐘一班；星期日及公眾假期服務時間為16:00 – 19:00，每20分鐘一班。不少網友認為：「早又唔夠早，晏又唔夠晏」、「下晝冇車入石澳，應該考慮加開到 14:00」。
4. 巴士線編號奇怪
而最後亦是最搞笑的留言指，X9號線的編號奇怪，讓人會有其他聯想，網民：「點解唔叫返309？」「X9是粗口諧音嗎?」「點解唔叫 C9？」
