最近留意到Instagram上流行短短幾秒的情侶定格放閃片，發現原來呢類片係用一個「Cute CUT」免費app整！而且製作方法都唔太難，想知點整可以睇睇下面教學！
text：CL
免費「Cute CUT」app
呢個app有分免費版本「Cute CUT」同付費版本「Cute CUT Pro」，免費版本現時是免費下載，包括iOS同Android。
放閃定格片
呢類放閃定格影片中的情侶一步步行近對方，最後就齊齊做放閃動作～其實旅行嗰陣同閨密或者成班朋友仔一齊拍都好開心！！
編輯試玩流程記錄：
編輯試整咗段定格片，發現只要step by step，畀少少耐性，其實都唔算好難！
先用手機拍完短短幾秒的片後，就直接screenshot要定格的地方，再用Photoshop Mix呢個免費app整走多餘的背景。
加入相之後，最簡單可以揀cut out入面的auto mode整走背景，但想追求完美的，就要花時間慢慢再執。
之後開已下載的「Cute CUT」，設定好像素等，就可以開始整定格片。
先import片，之後再跟次序import整走背景的定格相，點兩下張定格相就可以edit（頭尾會有兩個圈圈），而長按就可以移動。
要留意的是每放一張相，都要先對齊影片片頭，再開始拉想要停的位置，並調整完結時間，否則好易走位同對唔齊。
去到最尾可以加埋內置的音樂配合段片，咁就大功告成喇！
情人節冇情人都玩得
2月14情人節就快到，呢個app非常適合一眾情侶齊齊拍片放閃，就算冇男、女朋友的單身狗（包括編輯自己），都可以同朋友仔一齊玩！齊齊為青春留下美好回憶！
https://www.youtube.com/watch?v=wMY3sKoSQUU&
