插畫：謝曬皮 | 資料來源：《新假期》
Q1) 你旅行嘅經驗當中，有冇遇過好難頂嘅旅伴？
記者點評：咪噓住！結果都幾近五五波！不管你幾醒，未遇上好難頂旅伴，但相信麻煩旅伴嘅事例梗有遇過一打半打，睇埋落去，有你着數！
Q2) 以下哪一項，係你與旅伴最經常爭執嘅問題？
記者點評：無他，就算是與極了解自己的好友同行，行程上一定會有意見分歧時，唔肯遷就都幾弊！計我話，不妨試試搵日分開玩，各自如願之餘，人都獨立啲！
Q3) 你最討厭以下邊種類型嘅旅伴？
42% 公主病/王子病型
記者點評：好的旅伴當然是「有福同享、有行李一起搬」，但要是宿命般安排你遇着公主病/王子病旅伴，選擇忍氣吞聲的話，將會慘成奴隸，由事前安排、粗重搬運、挽袋挽鞋、搵路找方向都會由你包辦，一切都是「老奉」。每天去邊？吃乜玩甚麽？「搞錯！仲未安排好？」除非你心愛呢種人，否則唔鬧唔得！
20% 瞌睡型
記者點評：懶洋洋唔係罪，歎 resort 就話啫，若然要趕行程地、一周橫跨幾國，或去吳哥、緬甸等睇人生必看日出，旅伴賴床至日落，或每日例遲，令精密行程瓦解，都咪話唔嬲！遇上「瞌睡君」，我寧願事前貼心講明遲到唔緊要，行先！但歡迎他/她睡醒再約你。
19% 冷水型
記者點評：無論當地有乜新玩意、新地標、新食法，遇着「冷水型」旅伴，做乜都會反高潮叫悶、催你走，唔想冇癮？接受呢種去到邊都反應一般的人吧，安排對方幫你影相問路，畀佢叻晒囉！
11% 喪買型
記者點評：遇上購物狂，說好的豐富行程無故消失都算！同行的你負責陪買，還要畀意見已經夠累，更隨時因此買到晚飯都忘了而餓親！來到東京、大阪等outlet重鎮就更易中伏！仲未買夠？還是分開玩比較好，約吃飯時間見就算！
8% 自戀型
記者點評：遇上自戀型旅伴，全輯相肯定是大頭照 -_- ，冇差别到以為全都在香港拍，亦唔使旨意忙碌的他/她幫你旅途拍照！想改善情況？帶自拍神棍吧，起碼 wide 啲，點都會影到同行的你同個景，當地人亦like呢種合照！
Q4) 最討厭旅伴喺旅行期間做啲咩？
46% 冇時間觀念，以致送車尾甚至機尾
33% 做出失禮行為（如：觸犯其他國家的禁忌、亂講說話），令場面尷尬
13% 飲醉酒，仲要你抬佢返酒店
8% 買咩嘢都要講價
記者點評：無奈又無奈，遇上唔睇鐘的旅伴，為免爆血管，最好你自己都放棄趕忙，是但啦，算數啦，乜都變得冇所謂！
Q5) 最怕你的旅伴有以下哪樣怪癖？
38% 扯鼻鼾
29% 唔沖涼
21% 夢遊
12% 裸睡
Q6) 如果旅伴同你嗌交，你會點處理？
44% 主動求和，避免影響旅遊心情
30% 協議分開行程，大家冷靜下
20% 繼續行程，但同對方零溝通，全日「面阻阻」
6% 拒絕讓步，一走了之……全日玩失蹤
Q7) 你覺得避免同旅伴爭執嘅最佳方法係？
42% 互相忍讓
24% 約法三章，事先講明自己嘅規矩
24% 保留一定嘅自由時間畀自己同旅伴分開行
10% 自己一個人去旅行
Q8) 最完美嘅旅伴人數係幾多？
40% 3人
27% 1人
14% 5人
11% 5人或以上
8% 自己一個人去
Q9) 你會選擇以下哪種朋友作為旅伴？
36% 男/女朋友
28% 相識多年的老友
24% 冇特定，最緊要夾到時間
12% 旅途中認識志同道合的朋友
Q10) 以下有哪些技能係成為好旅伴所必需呢？
47% 行程安排（食咩玩咩完全交畀佢）
29% 自動導航（包保唔會迷路）
17% 影相（所有相由佢包辦）
8% 擔得抬得（幫手攞嘢一流）
5% 功夫（好夠安全感啊）
*調查資料來源：「第14屆最佳旅行社」旅遊調查報告，為更深入了解香港人和旅伴的行為習慣，於10月27日至11月16日期間進行「我的麻煩旅伴」問卷調查，最終超過4,000人透過網絡完成訪問。
