春天 去 首爾 旅行 3個 賞櫻 好去處！

圖片來源：韓國觀光公社

1. 汝矣島輪中路櫻花道

汝矣島輪中路經國會議事堂去韓國放送公社前嘅大道兩邊種滿櫻花，被稱為「櫻花道」，櫻花盛放嗰時，仲會形成一條壯觀的「櫻花隧道」。每年汝矣島櫻花節都會喺度舉行，遊客可以一邊喺櫻花隧道下漫步，一邊欣賞漢江景色，影靚相必去！

交通：汝矣渡口站（地鐵 9 號線）1 號出口、國會議事堂站（地鐵 5 號線）1 號出口

2. 南山公園

相信唔少人都去過南山公園，但原來櫻花盛開期間嚟呢到會睇到另一個壯麗畫面！沿住南山一條環形路行，經過南山圖書館、八角亭同國立劇場，沿路除咗見到櫻花，仲會見到杜鵑花同連翹。雖然南山公園位處海拔 262 米，但唔算難行，再加埋可以睇到漫山嘅櫻花，絕對適合一家大細櫻花季節時嚟呢度踏青。

交通：忠武路站（地鐵 3 號線或 4 號線）2 號出口，轉乘 2 號或 5 號南山循環公車，國立劇場站下車

3.慶熙大學

賞櫻 季節期間，韓國各大校園都係好去處，其中最出名嘅就係慶熙大學，哥德式建築嘅校園配上盛開嘅櫻花，個畫面靚到好似一幅藝術品咁呀！

交通：回基站（地鐵1號線）1號出口，轉乘綠色1號公車，慶熙大學站下車

有興趣賞櫻嘅話就要密切留意住花期預測喇，不過，由於櫻花開花時期係氣溫變化較大嘅 3 月底至 4 月初，所以好多時預測日期都會同實際情況有出入。而且韓國櫻花由綻放到凋落相隔只有 5 日左右，有心去賞櫻真係要做好功課。去賞櫻之餘，想知韓國 shopping 優惠？即 click：