原來除咗區議員識得「深入社區，深耕細作」，熊本熊部長都會呢一招，密密落區的親民工程，應該算得上「紮根香港」！
繼上星期出巡銅記中環尖沙嘴，引起人流大擠塞，兼且冧暈大批Fans後，今個星期六日，Kumamon另選戰場，分別現身長沙灣、樂富、大埔墟以及富亨邨，由工業區到你屋企樓下，確係老是常出現！
深入荔枝角 熊本部長做廠佬
出巡次數如此頻密，睇編輯部懷疑，Kumamon已經入藉香港！講返今次出巡路線焦點，只能說「禮拜六要返工的朋友有福了！」第一站，竟然係荔枝角地鐵B1出口的香港紗廠工業大廈一二期，因為活動同便利店有關，因此夠安排勁貼地位置，估都估唔到部長會大駕光臨！
