相關文章：「點解咁鍾意排隊趕住落機?」 網民分析5大好處：呢班人最醒目！
航班上突然發生醫療事故 乘客熱心協助
有網民在Threads上分享周日（27/4香港快運）凌晨由首爾飛往香港的UO627航班，在飛行途中突然響起緊急廣播，空服人員尋找機上的醫護人員協助處理突發醫療事故，隨即有幾位乘客跑去協助，目擊乘客表示雖然坐的較遠無法得知具體情況，但見到空服員與醫護人員密切配合，不斷來回運送醫療物資，並隨時向機長匯報情況。整個過程中，機組人員表現出的專業與冷靜令人印象深刻。
港人2舉動令樓主感動：真係冠軍級100分
更令人感動的是飛機降落後的場景。首先與往常航班未停穩就爭先恐後取行李的景象截然不同，這次全機乘客不約而同地保持安靜，無人擅自離開座位，其次大家都耐心等待機組指示，配合機場醫護人員登機救援。令樓主感動表示：「當刻感覺香港人真係冠軍級100分優質⋯雖然外表冷漠、平時總係乜都要快、要求多多⋯但骨子裡都是充滿人情味、遇事冷靜體恤，通情達理⋯香港人互相精神」
網民大讚港人外冷內熱
事件在網絡引發熱烈討論，甚至參與救援的乘客亦現身說法：「我想講真係要大讚在場既空中服務員，冷靜淡定，協助我地解決機上環境既問題，令我地可以專注處理危急病人。 亦都要大讚一齊幫手既醫護同袍，機上有既物資好有限，機尾環境好窄，大家都分工合作」。
其他網民則表示港人平日講求效率，但絕對懂得分輕重緩急：「香港人普遍唔係濫情嘅人，但有需要時，必定表現出高度同理心」、「香港人一向都好高質，只係部分小人喜歡無限放大負面狀況。就好似一個人就算做左99件好事，但意外做左1件壞事，都會被定性為壞人咁。 」、「香港人嘅高質係其他地方嘅人想扮都扮唔到 嗰種冷淡中嘅默默互助守望 加埋problem solving嘅能力真係世一」
在 Threads 查看
