壽司郎新作「漆黑螢光魷魚軍艦」 日本富山縣傳統食品
「漆黑螢光魷魚軍艦」是壽司郎推出了新產品，根據官網介紹這是日本富山縣歷史悠久的傳統食品，相傳是江戶時代向將軍進貢的逸品「不刺激、不刺鼻、無需調和」壽司郎Facebook官網更寫道「一啖一咬，輕鬆染黑（ I mean都係你個咀）」
壽司郎漆黑螢光魷魚軍艦｜樓主食到想嘔！
隨後，Facebook群組「香港壽司郎關注組」就有網民發文分享「漆黑螢光魷魚軍艦」的食評，直言「我成世人未食過咁難食的軍艦！係鹹魚？定放到開始發酵嗰陣咸臭味？」指出其味道衝擊味蕾，嚴重程度令食客表示自己想嘔：「實在太可怕了！可怕到我成晚食乜都仲覺得有嗰陣除⋯我已經第一時間食咗薑，飲咗二杯濃茶好恐怖呀！」誇張到甚至用「壽司郎係咪想做明將接班人」來形容。
網民反應兩極「鹹到苦」VS「唔識食」
帖文引來不少網民討論，有人就認同表示「漆黑螢光魷魚軍艦」味道非常鹹，甚至去到「鹹到苦」的程度：「好咸，咸到無朋友」、「螢光魷本身就好難食」、「一睇已經知唔好食，冇諗過試」、「勁難食！鹹到要洗腎，食左1舊放棄」、「極同意，試完呢碟嘢，乜胃口都冇晒，從未食過咁難食」
不過更多人反嘲樓主無知，認為這是日本的漬物，「好鹹」其實是好正常的一件事，又指出每人的口味都不一樣，因為要尊重其他人的取向：「鹽漬螢光魷魚D味唔係人人接受到。好似納豆，臭豆腐咁。 愛之熊掌 ，惡之砒霜。」、「世界好大，唔了解未知的飲食文化好正常嘅。但唔識仲扮食家，有D話人hea做，仲衰過明將嗰D真係好好笑。」、「好多人唔啱自己口味就話伏，真係服左你地」、「呢個係佢本身嘅味道同口感，可以話唔鐘意，但唔係難食」、「日本傳統漬物真係咁… 你去啲非遊客區食會見好多奇特口味」、「食過好咸但唔覺難食」、「唔識食，就唔好學人食！」、「唔識就唔好衝出黎啦」
更有網民推介點「漆黑螢光魷魚軍艦」就一定要加芥末，其口感及味道都會更上一層樓：「我每次必食兩碟，一件一包wasabi正到冇朋友」、「加多d wasabi係面中和左就好食了」。
