行內人數內地人3大優點｜內地專才不怕OT
首先，樓主認為香港00後斤斤計較，提及到曾經教導一個GenZ的香港同事工作，明明自己已經講了很多次，但是對方仍然會忘記，令他直言：「真係教到我有啲崩潰」。有一次，由於事主非常忙碌，去到17:30才有時間指導：「佢就話最多聽到18:00。結果去到17:54，佢仲同我講『你得返6分鐘可以講咋喎。』」令事主一肚火「自己唔識，又唔趁我忙嗰陣自己睇下，而家教我仲要限時？真係有啲無奈」，相反內地同事就沒有類似的問題，對方從來不會計較時間，就算要OT亦沒有怨言：「反而會主動問我啲我講漏咗嘅細節。」
行內人數內地人3大優點｜內地專才工作能力強
樓主表示自己曾與內地同事共事，直言「實佢哋都唔蠢，仲幾醒㗎。只不過內地同事喺語言上冇我哋咁好，尤其係英文」他認為這並非甚麼大問題，反而內地同事的學習能力以及適應力令人佩服：「好多嘢一教就明，仲會主動去解決問題。」
行內人數內地人3大優點｜內地專才好少say no
樓主表示他從事的行業經常要OT，雖然都有同事願意OT「但有啲人一到鐘就走人，剩低啲嘢聽日先做。問題係，好多嘢根本拖唔到㗎嘛！當然，OT唔係咩好嘢，大家都唔想。但係有時真係冇辦法」相反，內地同事好少會say no，會與其他同事捱過啲忙嘅時期。
樓主勸香港00後提升能力：唔好淨係靠語言優勢
最後，樓主表示見到內地同事的拼勁都會覺得有啲壓力，甚至覺得自己總會有被取代的一天，因此勸其他港人思考如何提升自己的能力：「唔好淨係靠語言優勢或者以前嘅經驗，可以學下內地同事嗰種主動同埋解決問題嘅態度」同時認為應該要學習「work smart」：「更聰明嘅方法去完成工作，而唔係一味靠OT。咁先可以喺職場上保持競爭力，唔會被淘汰。」
網民反應兩極「要求多多想香港啲老細點做？」VS「做爛市」
帖文出街後引來不少網民討論，有人認同樓主的說法，認為香港的00後確實是要求多多：「叫價高，output少，又要求多多，你想香港d老細點樣做呢？」、「我發覺有時請高材通candidate 仲有著數，與其用七萬月薪請個香港人但語文表達 好一般，六點鐘急急走人，不如請個廣東話唔係好正，英文一般般但起碼睇得明，自動波留到七、八點嘅，對團隊生產力有更正面影響！」
不過亦有網民反駁樓主的觀點：「簡單講即係大陸同事唔介意OT , 可以俾你任砌姐 出唔起OT 錢唔好叫人OT 啦」、「簡單講，做爛市」、「我對Ching所講嘅嘢好有保留。利申曾經喺中資公司做過。 大陸人OT並唔係因為多嘢做，做唔晒，而係因為要扮嘢比HR睇。 佢哋係特登將啲工作放喺放工時間之後先做。 點解我會知？因為我上司曾經同我講過，叫我放工唔好咁準時走，要扮俾HR睇我好多嘢做好忙」、「內地同事慣左返996，好願意OT 我就唔認為係一件好事 會助長不良風氣，每個人都應該要有自己既生活，相反genz 六點準時就走，有自己人生」
