自駕遊｜是不少港人其中一個遊日方式，不過由於路面情況與香港不一樣，因此常常會見到港人日本自駕遊撞車的意外，近日，就有港女在北海道自駕遊時發生車禍，被撞的日本車主決定報警處理，結果令港女生氣批評對方「真係古板守規矩」，帖文隨即被瘋傳並引起網民熱烈討論，不少人對批評其行為和態度「影衰香港人」、「無文化」。
港女北海道自駕遊失控撞車！唔認錯仲反鬧日本車主
涉事港女在Instagram上發佈限時動態，表示自己在日本自駕遊時因為「唔小心跣呔（胎）」而撞到前方車輛，相信是前車駕駛者為日本人，她對於對方在車輛「咩事都冇刮痕都冇」的情況下仍要報警處理感到相當不滿，形容對方「真係古板守規矩，如果喺香港無咩事大家各自走先」。從限時動態圖片見到，事發地點是日本某處雪地，而從警察制服可以見到是北海道地區。相信事主是在北海道下雪期間自駕遊，不慎「跣胎」導致碰撞。
網民炮轟：影衰香港人！
限時動態隨即被截圖兼瘋傳，引起網上熱議。不少網民都批評事主離譜「影衰香港人」、「OnXX，撞X咗點會咩事都冇」、「慣咗喺香港hit&run，冇撞到散晒等如冇事？」、「報警備案都有問題？人哋就係見你外國人更加怕咗你」、「無文化，自己對落人地車尾，仲好意思聲大夾惡」、「唔報警租車會冇保險，條女租車時有冇聽書？」、「女司機+香港人，你有咩期望？」、「完全係香港之恥。」、「冇雪地駕駛經驗，就唔好自駕遊啦！」
圖片來源：網上圖片資料或影片來源：原文刊於新假期
