香港米芝蓮餐廳目錄
回到目錄
香港米芝蓮餐廳｜6間必食推介
喜歡到世界各地歎美食的Nicole，平日都會在港發掘餐廳。一提到香港米芝蓮餐廳，Nicole分享了想起以下6間經常回訪的米芝蓮餐廳，到底哪間值得大家一試？想知道更多詳細分享記住Follow IG @nicoleisbeezyallthetime，同GOtrip的Facebook啦！
回到目錄
香港米芝蓮餐廳｜志JEE
志JEE於2024年7月開幕，是2025年最新入選米芝蓮餐廳。 餐廳由米芝蓮二星餐廳營致會館的蕭顯志師傅，以及於多間米芝蓮星級餐廳工作的Feuille主廚李韋傑（Oliver Li），將傳統粵菜和現代法國料理方式結合，呈現出充滿創意並有驚喜的菜式。
餐廳有分為8道菜（$888）和10道菜（$1,088），Nicole品嚐了一個10道菜的Course ：「我覺得性價比係OK的，成餐飯有龍蝦、海參、燕窩等比較貴的食材，食物味道有7/10，一年內會再次光顧的餐廳」。
前菜有「志趣三小碟」，分別有皮蛋塔、貴妃蚌、脆鱔撻。Nicole指：「脆鱔撻很特別，有啲似食緊叉燒酥，好香牛油味，好開胃」。
然後有鮮蟹肉多士、炸蠔以及高湯甲魚凍，Nicole指：「鮮蟹肉多士，我覺得係成餐飯最好味，而炸蠔略嫌啲酥多咗啲」 。
麻辣煎龍蝦取材於經典港式家常菜「茄汁蝦碌」，以咕嚕甜酸汁為基礎，融入麻辣元素，炒製時加入了威士忌。Nicole指：「食材OK，但係味道方面酸甜辣夾雜在一起，認為稍為有少少亂，個人認為如果淨係酸辣，或者甜酸會更加好」。
百花釀海參，將虎蝦肉打成蝦膠釀入海參中，刺參沾上墨魚汁麵糊再油炸，最後加上淋上龍蝦黑椒汁。 Nicole指：「皮食落有少少苦苦地的感覺，所以扣咗少少分」。黑糖燒乳鴿，分為鴿胸和鴿髀，鴿胸採用中式香料醃製，煎香後灑上黑糖燒至表皮香脆；鴿髀以廣東燒乳鴿的方式，先滷後炸，再撒上淮鹽。Nicole大讚：「非常好食，是我喜歡的風格」。
銀魚蔥炒「飯」 ，「飯」是用小麥形狀的麵食代替白飯，質地比白飯更輕更蓬鬆。Nicole指：「我個人唔鍾意呢浸味，同埋唔鍾意飯嘅質感，雖然我知道呢個係佢哋嘅特別之處」。
甜品方面有杏汁燕窩露，由於Nicole不吃杏汁的關係，餐廳改為將豆漿燕窩露，最後送了兩件奶黃酥，Nicole認為非常好味。
18:00 - 23:00
（星期一休息）
香港米芝蓮餐廳｜Arbor
Arbor是一間連續5年獲得米芝蓮2星的餐廳，由芬蘭籍主廚Eric Räty主理，將日本食材和北歐風味融合。餐廳菜單分為6道菜（$1,688）和9道菜（$1,888），Nicole品嚐了一個9道菜的Course ：「成餐飯的味道有8.5/10，性價比有4.5/5， 係一年會光顧2至3次嘅餐廳」。
餐前小食有「Karelian Pie配魚子醬」，Karelian Pie是以裸麥粉作皮，餡料用日本米及牛奶煮成糊。Nicole形容：「Pie吃起來外脆內軟，煙煙韌韌，再配上魚子醬， 整體口感非常好。食完再飲杯熱湯，個胃即刻暖笠笠，係一個非常好嘅開胃菜」。
Nicole大讚「Ankimo」 這個小食：「Ankimo是鮟鱇魚乾做餡嘅一個tart，呢度菜最考功夫係上菜嘅時候，個餅一定要係仲係脆卜卜先好食，Arbor完全做到，反而出面好多餐廳上菜嘅時候已經腍咗，另外Langoustine同Buri整體都好食」。
Scallop是Nicole非常喜歡的一道菜：「扇貝加咗白子、炸薯仔絲、黑松露絲，食落口感又嫩又脆，整體層次豐富，令人有好滿足嘅感覺」。
Abalone又是另一道Nicole的心頭好，Nicole指：「鮑魚配搭自家製的綠茶麵，醬汁很濃郁，麵條很煙靭，個人很喜歡；Signature之一的鴿，永遠無失手。」
甜品方面總共有4款，Citrus、Tartelette、Blueberry、Genmaicha & Caviar。Nicole認為：「個人覺得Citrus普通，Tartelette有我唔係好鍾意食嘅肉桂味； Blueberry是我自己比較鍾意。除此之外，力推大家加$380試下Genmaicha & Caviar，入口鹹鹹甜甜好香茶味和魚子醬味，口感非常特別，煙煙韌韌的」。
香港米芝蓮餐廳｜銀廬1933
銀廬1933是中國內地米芝蓮1星餐廳以及黑珍珠1鑽餐廳，同樣是香港首間以川菜花椒為主的fine dining，2024年2月才來到香港，香港分店暫時未有星。餐廳主要提供「椒宴」$1,388位的tasting menu，Nicole品嚐後指：「最欣賞係佢全部菜都係有「椒味」，麻而不辣」。
前菜方面有涼菜四宮格，包括成都泡菜、燈影影魚、燒椒皮蛋、椒麻鱔絲，然後就有魚子醬甜蝦雞牛湯凍，湯熬足6小時，入口是啫喱狀的，但每啖都是精華。熱湯就有蝴蝶竹蓀湯，廚師將魚肉切成蝴蝶形狀，湯入口有淡淡的花椒味。
而熱菜方面就有大千乾燒關東參、 青花椒麒麟魚、土罐貢椒乳鴿、老鹽菜煨飯和老成都水煮牛肉麵。Nicole最喜歡水煮麵：「即場用滾油蹔落啲蒜頭度，充分散發出蒜頭同花椒嘅香味，好好味」。
然後餐廳會送上餐後椒茶、麻婆豆腐冰淇淋、馬卡龍等，Nicole非常有驚喜：「就算係甜品嗰陣味都好夾，都係全部有麻嘅感覺」。
香港米芝蓮餐廳｜Auor
Auor是一間香港米芝蓮推薦餐廳，主廚Edward Voon來自新加坡 ，菜式是新加坡元素為主的法國料理，並會定期推出以生命的美好為靈感，創作出「六環（The Six Rounds）」6道菜的Tasting Menu。
招牌之一的甜餐包配了新加坡辣蟹醬，Nicole讚：「呢個酸酸辣辣好開胃，而個麵包都有淡淡的檸檬橙香味，唔會覺得好漏」。 另一道招牌蟹肉菜，下面全部是手拆蟹肉，好似平時食的 蟹蓋。Nicole形容：「上面白色一粒粒係炸咗嘅西米，畀人感覺好似食緊炸飯焦，一口脆脆嘅西米，一口啖啖肉嘅蟹肉，撈埋一齊好好食」。
Nicole指：「呢個係豬蹄肉配日本米，裡面加了醋而製成，開胃得嚟又唔會好漏」。乳鴿會先用木盒呈上，用上了花椒、八角等香料醃製及風乾，上碟時旁了蘿蔔、花雕酒。
Nicole指：「petite 4都好特別，最左邊係南北杏味道嘅小糕點，中間係迷你香蕉芝士蛋糕，最右邊係紅棗糕」。
香港米芝蓮餐廳｜Vea
Vea是一間香港米芝蓮1星的粵法餐廳，將港人食的海味融入菜式當中，每道菜都吃到香港情懷。Vea開業至今接近10年，多次入選亞洲50最佳餐廳，這間亦是Nicole經常回訪的餐廳之一，大讚食物很有記憶點。
Nicole指：「基本上每次都會有這道鹹魚白菜的菜式，不過每次做法都會有些少改變，上菜時都必定會附上歌詞」。餐廳最特別的地方是上菜時會連同原食材一齊上，食飯時 就會見到鮑魚、花膠。這道「海參釀虎蝦蝦膠」由主廚Vicky花了半年時間研發的招牌菜，上菜時就會見到海參和 22 年陳年永利威紹興酒。
這一道「Three Ages of Daikon Radish」將3種煮法的蘿蔔呈現，分別有焦糖蘿蔔、紅燒蘿蔔、20年蘿蔔泥，再配上馬鈴薯松露卷，味道豐富多層次。亦是Master Chef澳洲版中，主廚Vicky在節目中展示的菜式。Nicole指：「有啲係我哋未必估到嘅材料，餐廳就會展示出嚟，正如白蘿蔔、陳年蘿蔔等就是Three Ages of Daikon Radish嘅食材」。
甜品亦是重頭戲，會有黃皮雪葩、煉奶糯米滋，亦有長野水蜜桃果撻，新鮮水果上面再配上招牌的茉莉花奶油，Nicole大讚：「超級好味，佢會按照唔同season轉水果，我覺得芒果同埋水蜜桃最好味」。最後有「懷舊糖蔥餅」，可選榴蓮或椰子味，由可麗餅包著麥芽酥，真是儀式感滿滿。
香港米芝蓮餐廳｜Tate
Tate是一間香港米芝蓮2星的中法餐廳，開業至今超過12年。一提到香港米芝蓮，Nicole馬上分享了這間她每年至少回訪2次的Tate，大讚擺盤和味道都非常好。
主廚Vicky是潮汕人，所以有不少菜式是向致敬潮州菜致敬，例如這一道蜂巢芋角，炸到酥脆金黃、外脆內軟，旁邊的是青口撻和雞肝慕斯豆腐撻。再加上Vicky以前從事平面設計師，菜式擺盤很精繳。
Tate的招牌腐乳牛油配上brioche，味道創新入口驚喜，入口特别香！蘑菇撻中間夾雜了萵筍片，令到口感更多層次。搭配蘑菇撻的湯是用了中國雲南的紅菇，加入洛神花熬出來的，入口濃鬱。Tate招牌之一的乳鴿，外面包了一層雞肉，裡面的鴿腿肉很鮮嫩。
在進入甜品環節前，餐廳沖泡荷葉蓮花茶，Nicole指荷葉非常清香，有一種在吃糯米雞的感覺。
Tate最特別就是這個令人少女心爆發的甜品櫃，裡面的甜品和場景會按照季節性而改變，冬天的話可能會是雪中森林的場景。每位客人可以在櫃中的8款甜品中挑選4件，基本上每一款都味道都不錯，顏值更是「無得彈」。
其他地區米芝蓮餐廳：
