靚媽迪士尼搭遊船突然餵奶 引網民討論
近日，美國佛羅里達州迪士尼樂園發生一件充滿爭議的事件，當中一名媽媽在搭乘「魔雪奇緣遊船」（Frozen Ever After ride ）時，突然把上衣拉下來哺乳。據傳媒報導，涉事媽媽名叫Meredith Barnyak，當時一家4口在樂園遊玩，期間年僅1歲的女兒突然感到肚餓，無奈之下她才哺乳，而這畫面同時遭遊樂設施上的攝影機捕捉，這位媽媽表示「雖然當時正在乘搭遊樂設施，但她們非常享受這段旅程『女兒被餵得很開心』」。
照片流出後引起不少討論，有網民認為這位媽媽罔顧安全，見到相片中不少遊客都緊緊握住扶手，可見該遊樂設施有一定的速度，因此表示：「如果出事邊個負責？餵母乳時可否畀個安靜啲嘅環境個bb啊？周圍喂哇鬼叫，又大力搖晃，點食啊？」、「個bb會唔會濁親」、「玩遊樂設施時，不準飲食」、「BB係咪有逼切性一定要即刻食奶？」、「要玩就唔好帶BB」、「想過同行遊客的紀念照被毀了嗎？」
媽媽現身回應哺乳行為 獲得網民支持
隨後，主題樂園方面就澄清該遊樂設施「移動相對緩慢」，任何年齡層均可乘坐，而媽媽在接受傳媒訪問時，不認為自己的舉動有問題，表示假如當刻不太安全，就不會選擇在這個時候哺乳，又言「我覺得呢個地方夠安全！我唔使用照顧佢周圍走，如果係坐過山車我就唔會更樣做。」
因此亦有網民支持涉事媽媽舉動：「佢老公都係坐係側邊抱住BB，又唔見啲人鬧」、「如果玩有一定刺激性嘅機動遊戲餵奶係危險嘅，不過如果個機動遊戲冇乜嘢危險性，餵奶等小朋友唔好騷擾到其他人，個小朋友又有奶食，媽媽又唔介意坦胸露乳，咁又好似冇乜問題」
