Mike導死心不息為追鯊魚 低溫潛水捕捉黃金畫面
南非海岸線全長超過2500公里，是印度洋與大西洋的交匯處，由於兩個海域溫度不一樣，因此創造出獨一無二的海洋棲息地。昨日（29/10）播出的第二集，Mike導一行人去到福爾斯灣進行拍攝，本集的目標為「拍攝到生活在南非海岸的奇特生物」，不過當時正值暴風前夕，海面上風大浪大船隻不斷被拋起，不少人驚呼：「有離心力嘅！」而Mike導就表示：「我哋嘗試睇下係呢一片海域有咩拍，聲稱有鯊魚又有海豹，睇下我哋見唔見到啦。」值得一題，當時水面溫度13度，海面溫度為14度，而他們為了拍攝需要前往五個不同的潛水地點尋找想要的黃金畫面，落水前Agent L吐苦水：「好凍，凍到講唔到嘢！」
「黃金畫面」成功捕捉！網民：別具風味嘅素材
當中最搞笑的是製作組分為潛水小隊以及採訪小隊，後者則需要在船上等待，由於風浪太大，不少人嘔吐，令不少網民搞笑表示：「黃金畫面已經出現咗」、「上面一路嘔下面一路潛。」、「第二集係香港電視史上嘔吐畫面最多的一集」、「別具風味嘅素材」、「黃金畫面就係佢地係咁嘔」、「架船chok到隔住個電視都想嘔」話口未完，潛水小隊已經結束第一個潛水點的探索，上船後的他們同樣不斷嘔吐，當中更嘔到連攝影師個身都有，隨後Agent L率先撤退上岸，原本有4名成員的潛水小隊伍僅餘兩人。
製作組勇闖「狂野非洲 暴風之角」 第二集目標終於達成？
第二個潛水地點為海草森林，當中靚到令網民大讚「好似《阿凡達：水之道》入面嘅水底世界」，有大量珊瑚魚以及貓鯊，靚到令人嘆為觀止，可惜仍然未拍到黃金畫面。於是導遊就帶他們去到一個相當厲害嘅潛水點，以「狂野非洲，暴風之角」來介紹，雖然講到如此厲害，不過水底混濁一片，能見度非常低，豈料突然有一個龐大身形出現，原來終於遇到一條體型比較龐大的鯊魚——扁頭哈那鯊，可以話第二集的目標終於達成！
光是預告網民已經讚不絕口：齋睇預告都feel到好玩命！
昨日播出一集提及Mike導希望親手拍攝到南非海域霸主大白鯊的黃金畫面，可惜因為當地水域曾出現殺人鯨狩獵大白鯊的緣故，導致生態系統改變，難以見到其身影。雖然如此卻令Mike到有意外收穫，意外捕捉超震撼觀鯨畫面。
根據第二集的預告，Mike到一班人疑似未放棄捕捉大白鯊身影的想法，居然在10度低溫下，潛入大海搵鯊魚，不過南非海域霸主又豈會如此容易被見到！影片中只見幕前幕後一班人在風大浪大的海水中浮浮沉沉，Agent L更表示：「上嚟係為咗睇鯊魚啦！」當中程人富開始看起來好有自信，不過一落水就陣亡，不斷表示「好想嘔」，最後更被人從海面上拖上船。
值得一提是，在ViuTV的Facebook帖文中，提及到「未拍到黃金畫面就要先claim保險？」唔同程人富有不測？此外文中又提及到「上集拍唔到大白鯊，今集用志氣力挽狂瀾！」難道Mike到終於見到念念不忘的大白鯊？預告出街後，不少網民紛紛留言表示：「齋睇預告都feel 到好玩命」、「船睇唔到鯊魚直接落水睇」、「其實Viu應該整多個editor cut 放上viu tv個網」、「真係太短啦！」
