撰文：CY｜圖片來源：富豪香港酒店、GOtrip編輯部
富豪香港酒店住宿$980起 歎龍蝦和牛自助餐+牛油果下午茶 免費玩密室逃脫遊戲
GOtrip編輯部平時見到酒店住宿優惠就會即刻出動試住，今次見到富豪香港酒店Staycation居然千元有找，即刻再次收拾行李入住，究竟好不好玩呢？
–
目錄
密室逃脫遊戲｜自助晚餐｜下午茶｜酒店設施｜房型介紹｜預訂詳情
免費玩2場密室逃脫遊戲
相比起平時住Staycation純玩酒店設施，今次住客可以在酒店精心裝飾的「密室」內化身特務，穿越秦朝破解長生不死之謎。遊戲細節環環相扣，相當燒腦，好在房間內有Game Master「秦朝將軍」隨時畀Tips，編輯總算順利過關！
以為好輕鬆就可以解開謎題？完成酒店部分的謎題後，住客可以走出酒店，前往 LOST Hong Kong 銅鑼灣分店玩第二場密室逃脫遊戲，解開更多隱藏謎團。
回到目錄
–
龍蝦和牛主題自助晚餐！必食新鮮龍蝦+和牛壽喜燒
玩完一場想食返餐好？住客可以選擇以$1,350入住包自助午餐，或以$1,630入住包自助晚餐。重點推介「海陸美饌．龍蝦和牛」自助晚餐，今期主打龍蝦及和牛，除了必食青口、海螺等海鮮冷盤，更有半隻龍蝦任你夾，編輯試食覺得味道鮮甜，要一攞再攞！
廚師更會即席煮和牛壽喜燒，和牛肉質軟腍、肉汁豐富，配上溫泉蛋食用尤其嫩滑。餐廳更提供任食鴨肝、芝士龍蝦、扇貝等料理，整體而言選擇算豐富，物有所值！
回到目錄
–
牛油果主題下午茶+送$450護膚禮品
想令下午時段過得更充實，可以加$300享用富豪香港酒店聯乘護膚品牌Skinique推出的牛油果主題下午茶，多款鹹甜點均以牛油果入饌，入口健康又夠Fresh。
回到目錄
–
必打卡露天游泳池+虛擬健身教練
食得太飽，是時候做運動減下磅。在高樓大廈林立的銅鑼灣，周邊商廈絲毫不遮掩酒店泳池景色。住客除了到來游泳外，更有不少住客專程上來打卡拍照。
而位於地庫的健身室，較遺憾不能觀賞周邊景致，不過設施齊全，有跑步機、重訓設備，近年更引入Gym Wall，就算健身新手都可以跟住鏡中影像做運動。
回到目錄
–
保證入住高級客房！加$500升級入住套房
入住今次富豪香港酒店「酒店密室逃脫住宿計劃」，保證入住酒店高級客房，亦可以加錢升級入住更高規格房間。今次編輯升級入住行政樓層高級客房，裝修較一般高級客房更新淨，樓底亦相對較高，空間感十足！
今次富豪香港酒店更罕有開放升級所有房型，只需加$500就可以升級入住行政套房，房間近500呎，一廳一房，更適合一家大細齊齊入住！
富豪香港酒店 x LOST Hong Kong 「秦．不滅戰士」酒店密室逃脫住宿計劃
- 酒店：富豪香港酒店
- 地址：銅鑼灣怡和街88號
- 名稱：「秦．不滅戰士」酒店密室逃脫住宿計劃
- 價錢：$980起
- 內容：
- 保證入住高級客房
- LOST Hong Kong 密室逃脫遊戲 —「秦．不滅戰士」及「秦．長生不老」
- 保證延遲退房至3點
- 雙人自助早餐
- 可以優惠價格升級房型及享用餐飲
