撰文：CY｜資料來源：Facebook群組「酒店Secret」｜圖片來源：Unsplash
酒店職員列6大西客無理投訴 有客投訴鹹片唔夠鹹 買蘿蔔糕都要求精神賠償
皆因有酒店職員在Facebook群組「酒店Secret」開post圍爐取暖，問問各位同行在工作時遇到什麼西客無理投訴，首先更拋磚引玉講起一件極品經歷，大嘆不可理喻。
自然風吹親要賠醫藥費
該貼文稱曾經遇到有住客投訴該酒店職員，話開門瞬間有外來自然風「吹親佢」——仲要吹到頭痛咁大件事，最終酒店需要賠償醫藥費，實在好誇張！
有客投訴付費鹹片唔夠鹹
酒店住客特登用錢Upgrade睇色情頻道，對頻道內容有所期盼，似乎又無可厚非。不過有酒店職員就話曾經有西客投訴「付費鹹片唔夠鹹」，似乎相當緊火。
買蘿蔔糕買到要精神賠償
新年時節，好多港人都會買酒店蘿蔔糕，一家人齊齊進食攞個好意頭。不過有港人在大年初一切開蘿蔔糕時，嫌蘿蔔糕「一切即碎」，影響心情，要求酒店提供精神賠償。
雷暴警告關閉泳池 無得游水要賠償
每逢春夏季節，香港落雨落不停，就算無雨，撞正雷暴警告仍需要關閉泳池，確保泳客安全。不過有失望住客向酒店投訴「雷暴警告封池搞到佢游唔到水」，要求酒店對此作出回應。
扮無消費搣甩萬元消費
有酒店會籍的住客，在享用酒店服務後，可以要求直接在帳戶中扣除款項。不過有酒店職員就話曾有住客享用完服務後，扮自己未曾消費，大鬧「我無簽過名嘅單，我係唔會比錢」，要求酒店回贈萬元消費額。
西隧塞車都要酒店賠償
香港地塞車似乎已經不是稀奇事，不過曾有住客向酒店聲稱乘車途徑西隧時，撞正收工時間大塞車，向酒店要求作出賠償，實在好離奇。
資料來源：Facebook群組「酒店Secret」